കോഴിക്കോട്: സ്റ്റേറ്റ് ലൈബ്രറി കൗണ്സിലിന്റെ ആഭിമുഖ്യത്തിലുള്ള സര്ഗ്ഗോത്സവം ജനുവരി ഏഴ്, എട്ട് തിയ്യതികളിലായി കോഴിക്കോട് മലബാര് ക്രിസ്ത്യന് കോളജില് നടക്കും. ഇതാദ്യമായാണ് സംസ്ഥാന സര്ഗ്ഗോത്സവം നടക്കുന്നത്.
ഉപന്യാസരചന, കാവ്യാലാപനം (ഈ വര്ഷം ഒഎന്വി കവിത മാത്രം), പ്രസംഗം, സാഹിത്യ കൃതികളിലെ ഏതെങ്കിലും സന്ദര്ഭത്തെ അടിസ്ഥാനമാക്കിയുള്ള മോണോ ആക്ട് മത്സരം, കഥാപ്രസംഗം, ലഘുനാടകം, ചലച്ചിത്ര ഗാനാലാപനം, പരമ്പരാഗതമായ നാടന്പാട്ട് തുടങ്ങി 11 ഇനങ്ങളിലാണ് മത്സരം നടക്കുക. യുപി, എച്ച്എസ്എസ് വിഭാഗങ്ങളിലായാണ് മത്സരം സംഘടിപ്പിക്കുന്നത്.ജനുവരി ഏഴിന് രാവിലെ 9.30ന് മന്ത്രി ടി പി രാമകൃഷ്ണന് സര്ഗോത്സവം ഉദ്ഘാടനം ചെയ്യും. 2000 ബാലവേദികളാണ് സംസ്ഥാന ലൈബ്രറി കൗണ്സിലിന്റെ ധനസഹായത്തോടെ പ്രവര്ത്തിച്ചുകൊണ്ടിരിക്കുന്നത്. 14 ജില്ലകളില് നിന്നായി 500 ലേറെ വിദ്യാര്ത്ഥികള് മത്സരത്തില് പങ്കെടുക്കും. വാര്ത്താ സമ്മേളനത്തില് സി. സുരേഷ്ബാബു, എന്. ശങ്കരന് മാസ്റ്റര്, എന്. ഉദയന്, കെ. ദാമോദരന് എന്നിവര് പങ്കെടുക്കും.
