ശ്രീമന്നാരായണീയ തത്വസമീക്ഷാസത്രം ഭഗവാന്റെ പാദങ്ങളെ ആശ്രയിച്ച് ആനന്ദാനുഭൂതി നേടാം

കോട്ടയം: ഈശ്വരാശ്രയമില്ലെങ്കില്‍ കയ്യില്‍ കിട്ടിയതു പോലും അനുഭവിക്കാന്‍ പറ്റില്ല, എന്തും ഈശ്വരാഭിമുഖമായി ചെയ്താല്‍ നഷ്ടപ്പെട്ടു എന്നു കരുതിയതു പോലും അനുഭവിക്കാന്‍ പറ്റില്ലെന്ന് പുത്തില്ലം മധുനാരായണന്‍ നമ്പൂതിരി പ്രഭാഷണത്തില്‍ പറഞ്ഞു. ദുര്‍ലഭമായ ഈ മനുഷ്യജന്മം കാമിനീകാഞ്ചനത്തിനു വേണ്ടി കളഞ്ഞുകുളിക്കരുതെന്ന് ഓര്‍മ്മിപ്പിച്ചു. ഭഗവാന്റെ പാദങ്ങളെ ആശ്രയിച്ച് ഭക്തിയില്‍ക്കൂടി ആ ആനന്ദാനുഭൂതി നുണഞ്ഞനുഭവിക്കുകയാണ് മനുഷ്യജന്മത്തിന്റെ ലക്ഷ്യം.

ഇതിഹാസകഥകളില്‍ ഉദ്‌ഘോഷിക്കുന്ന ഭഗവത്പാദ മാഹാത്മ്യത്തെ ഉള്‍ക്കൊണ്ട് ജീവിച്ചാല്‍ ബദ്ധനായിരിക്കുന്ന മനുഷ്യന് മായാമാര്‍ഗ്ഗത്തില്‍ കൂടി കണ്ണുംപൂട്ടി ഭയരഹിതനായി സഞ്ചരിക്കാന്‍ പറ്റുമെന്ന് രാമായണകഥയെ നാരായണീയവുമായി കൂട്ടി യോജിപ്പിച്ച് ഭട്ടതിരി ഉറപ്പു തരുന്നു എന്ന് അനില്‍ നാരായണന്‍ പറഞ്ഞു.

അല്പമാത്രസുഖദായകങ്ങളായ ലൗകികകാര്യങ്ങള്‍ക്കുവേണ്ടി ഭഗവാനെ തിരസ്‌കരിച്ചാല്‍ ഉണ്ടാകാവുന്ന അനര്‍ത്ഥങ്ങള്‍ അനവധിയാണെന്ന് ഉലൂഖലബന്ധനത്തെ ആസ്പദമാക്കി ഡോ. പി. വി. വിശ്വനാഥന്‍ നമ്പൂതിരിച്ചു വിവരിച്ചു. കിഴക്കേടം നാരായണന്‍ മ്പൂതിരി, ഒറവങ്കര അച്യുതന്‍ നമ്പൂതിരി, സരിതാം ശ്രീരാം എന്നിവര്‍ പ്രഭാഷണങ്ങള്‍ നടത്തി.

യജ്ഞവേദിയില്‍

ഇന്ന്

രാവിലെ 6ന് മഹാഗണപതിഹോമം. 6.30ന് വിഷ്ണുസഹസ്രനാമം, ഭാഗവതപാരായണം. മള്ളിയൂര്‍ പരമേശ്വരന്‍ നമ്പൂതിരി. 7.30നും 1.30 നും ശ്രീമന്നാരായണീയ പാരായണം. 8.30ന് ശ്രീമന്നാരായണീയ സംഗീതാവിഷ്‌കരണം-വൈക്കം രാജമ്മാളും സംഘവും. പ്രഭാഷണം: 9ന് ഡോ.എന്‍.ഗോപാലകൃഷ്ണന്‍,

11.45ന് അഡയാര്‍ കെ.ആര്‍.എ.നാരായണന്‍, 2ന് ഡോ.ഇ.എന്‍. നാരായണന്‍, 3.30ന് മാടശ്ശേരി നീലകണ്ഠന്‍ നമ്പൂതിരി, 4.45ന്് എന്‍.സോമശേഖരന്‍, 6ന് കോട്ടയം ശ്രീശങ്കരാ അക്ഷരശ്ലോകസദസ്സിന്റെ അക്ഷരശ്ലോകമത്സരം.