കോഴിക്കോട്: റേഷന് സംവിധാനത്തിലെ അപാകത പരിഹരിക്കാനാവശ്യമായ നടപടികള് സംസ്ഥാന സര്ക്കാര് സ്വീകരിക്കണമെന്ന് മലബാര് നായര് സമാജം കേന്ദ്ര കമ്മിറ്റിയോഗം ആവശ്യപ്പെട്ടു. മുന്നോക്ക സമുദായങ്ങളിലെ പാവപ്പെട്ടവരെ മുന്ഗണനാ പട്ടികയില് ഉള്പ്പെടുത്തണമെന്നും യോഗം പ്രമേയത്തിലൂടെ ആവശ്യപ്പെട്ടു. യോഗത്തില് സമാജം പ്രസിഡന്റ് എം.പി. പ്രദീപ്കുമാര് അദ്ധ്യക്ഷത വഹിച്ചു. കോഴിക്കോട് നാരായണന്നായര് ഉദ്ഘാടനം ചെയ്തു. രാഹുല് ഈശ്വര് മുഖ്യപ്രഭാഷണം നടത്തി. ജനറല് സെക്രട്ടറി ശ്രീറാം വാര്ഷിക റിപ്പോര്ട്ടും, എ. മോഹന്ദാസ് വരവ് ചെലവ് കണക്കും, ടി.കെ.ജി നമ്പ്യാര് പ്രമേയവും അവതരിപ്പിച്ചു. സുകുമാരന് നായര്, നളിനി എന്നിവര് ആശംസ നേര്ന്നു. പി. അരവിന്ദാക്ഷന് സ്വാഗതവും കെ. പ്രേമരാജന് നന്ദിയും പറഞ്ഞു.
ഭാരവാഹികളായി കോഴിക്കോട് നാരായണന് നായര് (മുഖ്യരക്ഷാധികാരി), എം.പി. പ്രദീപ്കുമാര് (പ്രസിഡന്റ്), ശ്രീറാം (വര്ക്കിംഗ് പ്രസിഡന്റ്), സുകുമാരന് നായര് കൊളഞ്ചേരി, ഒ.കെ. ദേവിദാസന് (വൈസ് പ്രസിഡന്റ്), കെ. പ്രേമരാജന് (ജനറല് സെക്രട്ടറി), പി. അരവിന്ദാക്ഷന്, ചന്ദ്രശേഖരന് നായര്, ഗിരിജ രാമകൃഷ്ണന്(സെക്രട്ടറി), പി. രാജന് (ട്രഷറര്), നളിനി (പ്രസിഡന്റ് വനിതാ വിഭാഗം), അഡ്വ. ടി. കെ. ജി. നമ്പ്യാര് (ചെയര്മാന്, ലീഗല് സെല്) എന്നിവരെ തെരഞ്ഞെടുത്തു.
