കൊല്ലം: ജനുവരി രണ്ടിന് ശാസ്താംകോട്ട ശുദ്ധജലതടാകത്തില് നടക്കുന്ന ജലസ്വരാജില് കൊല്ലം ജില്ലയില് നിന്ന് 2000 കര്ഷകരെ പങ്കെടുപ്പിക്കാന് കര്ഷകമോര്ച്ച ജില്ലാ കമ്മിറ്റി തീരുമാനിച്ചു. വരാന്പോകുന്ന കൊടുംവരള്ച്ച നേരിടാന് സംസ്ഥാനസര്ക്കാരും ഭരണകൂടവും തീര്ത്തും പരാജയപ്പെട്ടതായി യോഗം ഉദ്ഘാടനം ചെയ്ത ബിജെപി ജില്ലാ പ്രസിഡന്റ് ജി.ഗോപിനാഥ് പറഞ്ഞു. ജില്ലയിലെ പാരിസ്ഥിതിക-ജലവിഷയങ്ങളും കര്ഷകരുടെ പ്രശ്നങ്ങളും ചൂണ്ടിക്കാട്ടി ജലസ്വരാജ് ഉദ്ഘാടനം ചെയ്യുന്ന കേന്ദ്രമന്ത്രി നരേന്ദ്രസിങ് തോമറിന് നിവേദനം നല്കുമെന്ന് കര്ഷകമോര്ച്ച ജില്ലാപ്രസിഡന്റ് സുഭാഷ് പട്ടാഴി അറിയിച്ചു.
യോഗത്തില് ബിജെപി ജില്ലാ വൈസ്പ്രസിഡന്റ് അഡ്വ.ജി.ഗോപകുമാര്, കര്ഷകമോര്ച്ച സംസ്ഥാന സെക്രട്ടറി ചവറ ജി.ഹരി, മറ്റ് നേതാക്കളായ കൃഷ്ണകുമാര്, രാജേഷ് പുത്തൂര്, മുരളീധരന്പിള്ള എന്നിവര് സംസാരിച്ചു. ജലസ്വരാജ് ദിനത്തില് ശാസ്താംകോട്ടയില് നടക്കുന്ന ജൈവകാര്ഷികവിപണനമേള സംസ്ഥാനപ്രസിഡന്റ് പി.ആര്.മുരളീധരന് ഉദ്ഘാടനം ചെയ്യും.
