കല്‍പ്പറ്റ : ആര്‍മി റിക്രൂട്ട്‌മെന്റ് റാലിയില്‍ ഫിസിക്കല്‍ ടെസ്റ്റ് പാസായവര്‍ക്ക് എഴുത്ത് പരീക്ഷക്കുള്ള പരിശീലനം നല്‍കുമെന്ന് എക്‌സാറ്റ് പരിശീലനം കേന്ദ്രം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. കണ്ണൂര്‍ ജില്ലയില്‍ ഈ മാസം 16ന് നടന്ന ആര്‍മി റിക്രൂട്ട്‌മെന്റ് റാലിയില്‍ ഫിസിക്കല്‍ ടെസ്റ്റ് കഴിഞ്ഞവര്‍ക്കും റീ മെഡിക്കല്‍ ടെസ്റ്റില്‍ പങ്കെടുക്കുന്നവര്‍ക്കും 2017 ജനുവരി 26നും ഫെബ്രുവരി 26നും നടക്കാനിരിക്കുന്ന എഴുത്തുപരീക്ഷിക്കുള്ള കോച്ചിംഗ് നല്‍കും. മിതമായ ഫീസ് നിരക്കില്‍ ഭക്ഷണ, താമസ സൗകര്യങ്ങളോടെ കണ്ണൂര്‍ ജില്ലയിലെ ഇരിട്ടിക്കടുത്തുള്ള തില്ലങ്കേരിയിലെ എക്‌സാറ്റ് സ്ഥാപനത്തില്‍ 2017 ജനുവരി ഒന്നു മുതല്‍ ക്ലാസുകള്‍ ആരംഭിക്കും. അധ്യാപകര്‍ ഉദ്യോഗാര്‍ഥികളുടെകൂടെ താമസിച്ച് പഠിപ്പിക്കുന്ന രീതിയാണ് ഇവിടെ പിന്‍തുടരുന്നത്. ഉദ്യോഗാര്‍ഥികള്‍ക്ക് പാഠഭാഗത്തിന്റെ സംശയനിവാരണത്തിനായി പ്രത്യേക വിഭാഗം ക്ലാസ്, എല്ലാ ആഴ്ചകളിലും സൈനിക രീതിയിലുള്ള പരീക്ഷകള്‍, റീ മെഡിക്കലിന് കൊച്ചിയിലെ നാവികആസ്ഥാനത്തുള്ള ആശുപത്രിയില്‍ പോകുന്നവര്‍ക്ക് വൈദ്യപരിശോധനയും സൗജന്യ കൗണ്‍സിലിംഗ് എന്നിവ സ്ഥാപനം നല്‍കും. നിസാരമായ ശാരീരിക വൈകല്യങ്ങളില്‍ ഉദ്യോഗാര്‍ഥികള്‍ മെഡിക്കല്‍ ടെസ്റ്റില്‍ പരാജയപ്പെടുന്നത് തടയാന്‍ ആവശ്യമായ മുന്‍കരുതലുകള്‍ നല്‍കി ഉദ്യോഗാര്‍ഥിയെ മെഡിക്കല്‍ ടെസ്റ്റിന് തയാറാക്കുമെന്ന് വാര്‍ത്താസമ്മേളനത്തില്‍ എക്‌സാറ്റ് സ്ഥാപനത്തിന്റെ ചെയര്‍മാന്‍ കെ. പ്രേമരാജന്‍, ചീഫ് ഇന്‍സ്രക്ടര്‍ സുജു സുദര്‍ശന്‍ എന്നിവര്‍ പങ്കെടുത്തു. ഫോണ്‍: 0497276 4484, 9495371012.
Friday, January 31, 2025
ടെസ്റ്റ് പാസായവര്‍ക്ക് പരിശീലനം നല്‍കും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: