പരപ്പനങ്ങാടി: വിദ്യാനികേതന് ജില്ലാ കലോല്‍സവത്തില്‍ ഇത്തവണയും ഹരിപുരം വിദ്യാനികേതന് മിന്നുന്ന വിജയം. ആറാം വര്‍ഷവും നാടകത്തില്‍ സംസ്ഥാന തലത്തിലേക്ക് യോഗ്യത നേടിയിരിക്കുകയാണ് ഹരിപുരം വിദ്യാനികേതന്. മലയാള നാടക മല്‍സരത്തില്‍ ഹരിപുരത്തെ പ്രതിഭകള്‍ അരങ്ങുണര്‍ത്തിയ ‘പെണ്ണ് ‘ എന്ന നാടകത്തിനായിരുന്നു ഒന്നാം സ്ഥാനവും എ ഗ്രേഡും.
സമകാലിക സംഭവങ്ങളെ കോര്‍ത്തിണക്കി തെരുവിലെ അനാഥബാല്യങ്ങളെയും അടിച്ചമര്‍ത്തപ്പെടുത്തുന്ന പെണ്‍ജീവിതത്തിന്റെയും കഥ പറഞ്ഞ നാടകത്തിന് രംഗഭാഷ്യമൊരുക്കിയത് അദ്ധ്യാപകനായ ജിതേഷ് തച്ചേടത്ത് ആണ് ‘ മികച്ച നടനായി എം.ഇന്ദ്രജിനെ തെരഞ്ഞെടുത്തു. ഐശ്വര്യ, അനഞ്ജയ്, നന്ദന നായര്‍, ഗംഗോത്രി, വിഷ്മ, സത്രജിത്ത്, തുടങ്ങിയ വിദ്യാര്‍ത്ഥികളാണ് മലയാള നാടകത്തില്‍ അരങ്ങിലെത്തിയത്. ഇംഗ്ലീഷ് നാടകമായ സിന്‍ ഡ്രെല്ലയിലെ അഭിനയത്തിന് മികച്ച നടിയായി നന്ദന നായരെ തിരഞ്ഞെടുത്തു. ഇംഗ്ലീഷ് നാടകത്തിലും ഹരിപുരം വിദ്യാനികേതന് ഒന്നാം സ്ഥാനവും എ ഗ്രേഡും ലഭിച്ചു.
പ്രതികരിക്കാൻ ഇവിടെ എഴുതുക: