ചെറുതോണി: ദേശീയപാത 185 യാഥാര്ത്യമാകുന്നതോടെ ചെറുതോണി പാലത്തിന് ശാപമോക്ഷമാകുമെന്ന് ആശ്വസിച്ചിരിക്കുകയാണ് ഇടുക്കി നിവാസികള്. ചെറുതോണി പാലത്തില് രണ്ട് വര്ഷത്തിനിടെ ചെറുതും വലുതുമായി നൂറിലധികം അപകടങ്ങളാണ് നടന്നിട്ടുള്ളത്. അപകടത്തില്വെച്ച് ജീവന് പൊലിഞ്ഞവരില് കാല്നടയാത്രക്കാരും, അന്യദേശങ്ങളില്നിന്നെത്തിയ സഞ്ചാരികളുമുണ്ട്.
ഇടുക്കിയില്നിന്നും ചെറുതോണി പാലം വവ
രെയുള്ള രണ്ട് കിലോമീറ്റര് ദൂരം നല്ല വേഗതയില് എത്തുന്ന വാഹനങ്ങള് പാലത്തിന് അടുത്ത് എത്തുന്നതോടെ എല് ഷെയിപ്പില് തിരിയേണ്ടിവരുന്നു. ഇവിടെ കൂടുതല് അപകടങ്ങള് സംഭവിക്കുന്നത് രാത്രികാലങ്ങളിലാണ്. നിരവധിയായ അപകടങ്ങള് ആവര്ത്തിച്ചിട്ടും അപകടമേഖലയെന്ന് സൂചിപ്പിക്കുന്ന വിവരണങ്ങളോ മറ്റ് സൈന് ബോര്ഡുകളോ സ്ഥാപിക്കാന് പൊതുമരാമത്ത് നിരത്ത് വിഭാഗം തയ്യാറായിട്ടില്ല. പാലം ആരംഭിക്കുന്ന ഇരുവശങ്ങളിലും വ്യക്തമായി കാണാവുന്ന തരത്തില് റിഫ്ളക്ടര് സൈന് ബോര്ഡുകള് സ്ഥാപിക്കാന് ജില്ലാ ഭരണകൂടം തയ്യാറാകണം. ഇടുക്കി -ചെറുതോണി അണക്കെട്ടുകളുടെ നിര്മ്മാണ കാലത്ത് സിമന്റും കമ്പിയുമടങ്ങുന്ന ചരക്കുകള് കൊണ്ടുവരുന്നതിലേക്ക് താല്കാലികമായി നിര്മ്മിച്ചതാണ് ചെറുതോണി ചപ്പാത്ത് എന്നറിയപ്പെടുന്ന പാലം. ഇടുക്കി ആലിന്ചുവട്ടില് പ്രവര്ത്തിക്കുന്ന പെരിയാര് സ്വയം സഹായ സംഘമാണ്്
ഇപ്പോള് ഇവിടെ സൈന് ബോര്ഡ് സ്ഥാപിച്ചിരിക്കുന്നത്. അധികം വൈകാതെ ദേശീയ പാത യാഥാര്ത്യമാകുന്നതോടെ ചെറുതോണിയില് പുതിയ പാലം വരുമെന്ന വിശ്വാസത്തിലാണ് യാത്രക്കാരും, പ്രദേശവാസികളും.
