പത്തനംതിട്ട : കേരള ഹോട്ടല്‍ ആന്‍ഡ് റസ്‌റ്റോറന്റ് അസോസിയേഷന്‍ ജില്ലാ സമ്മേളനം ഡിസംബര്‍ 3ന് നടക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. സമ്മേളനത്തോടനുബന്ധിച്ച് 1,2,3 തീയതികളില്‍ വിളംബര ജാഥകളും സംഘടിപ്പിച്ചിട്ടുണ്ട്. പ്രൈവറ്റ് ബസ് സ്റ്റാന്‍ഡ് ഓപ്പണ്‍ സ്റ്റേജില്‍ നടക്കുന്ന സമ്മേളനം ആന്റോ ആന്റണി എംപി ഉദ്ഘാടനം ചെയ്യും. കെഎച്ച്ആര്‍എ ജില്ലാ ആക്ടിംഗ് പ്രസിഡന്റ് സജി ഡയാന അദ്ധ്യക്ഷത വഹിക്കും. ഹോട്ടല്‍ ശുചീകരണ മാസാചരണം വീണാ ജോര്‍ജ് എംഎല്‍എ ഉദ്ഘാടനം ചെയ്യും. വിളംബര ജാഥ സമാപന സമ്മേളനം കെഎച്ച്ആര്‍എ സംസ്ഥാന പ്രസിഡന്റ് മൊയ്തീന്‍കുട്ടിഹാജി ഉദ്ഘാടനം ചെയ്യും. അന്നംപുണ്യം പദ്ധതി ജില്ലാ കളക്ടര്‍ ആര്‍.ഗിരിജ ഐഎഎസ് ഉദ്ഘാടനം ചെയ്യും. പ്രസാദ് ആനന്ദഭവന്‍ മുഖ്യപ്രഭാഷണം നടത്തും. തിരിച്ചറിയല്‍ കാര്‍ഡ് വിതരണം സംസ്ഥാന സെക്രട്ടറി കെ.എം.രാജയും മികച്ച യൂണിറ്റുകള്‍ക്കുള്ള ട്രോഫികളുടെ വിതരണം ചന്ദ്രമോഹനും നിര്‍വ്വഹിക്കും. ബിജെപി ജില്ലാ പ്രസിഡന്റ് അശോകന്‍കുളനട, സിപിഎം ജില്ലാസെക്രട്ടറി കെ.പി.ഉദയഭാനു , സിപിഐ ജില്ലാ സെക്രട്ടറി എ.പി.ജയന്‍, ഡിസിസി വൈസ് പ്രസിഡന്റ് എ.ഷംസുദീന്‍ തുടങ്ങിയവര്‍ ആശംസകളര്‍പ്പിക്കും. ഭാരവാഹികളായ പ്രസാദ് ആനന്ദഭവന്‍, നവാസ് തനിമ, സജി കോശി, സക്കീര്‍ ശാന്തിഭവന്‍, കെ.എം.രാജ, സജി ഡയാന തുടങ്ങിയവര്‍ പത്രസമ്മേളനത്തില്‍ പങ്കെടുത്തു.
Wednesday, November 27, 2024
കേരള ഹോട്ടല്‍ ആന്‍ഡ് റസ്‌റ്റോറന്റ് അസോസിയേഷന്‍ ജില്ലാ സമ്മേളനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: