ശബരിമല : വെര്‍ച്ച്വല്‍ ക്യൂ സംവിധാനം പാളി. മിനിട്ടുകള്‍ക്കുള്ളില്‍ ആര്‍ എ എഫുകാര്‍ എത്തിയതിനാല്‍ അര മണിക്കൂര്‍ കൊണ്ട് നിയന്ത്രണ വിധേയമായി.
ഇന്നലെ രാത്രി എട്ടുമണിയോടെയാണ് വെര്‍ച്ച്വല്‍ ക്യൂവില്‍ അമിതമായ തിരക്ക് അനുഭവപ്പെട്ടത്. നടപന്തലിലേക്ക് പ്രവശിക്കുന്ന ഭാഗത്ത് പോലീസിന്റെ നിയന്ത്രണത്തിനു പുറത്തേക്ക് ഭക്തര്‍ തള്ളി കയറുകയായിരുന്നു. ക്യൂ നിയന്ത്രിക്കാന്‍ ആകെ എട്ടു പോലീസ് ഉദ്യോഗസ്ഥര്‍ മാത്രമായിരുന്നു ഉണ്ടായിരുന്നത്. ഈ സമയം സുരക്ഷ പരിശോധനയുടെ ഭാഗമായി എത്തിയ ആര്‍എഎഫുകാര്‍ നിയന്ത്രണം ഏറ്റെടുത്തു. ഇവിടെ പടിക്കെട്ടുള്ളതിനാല്‍ അപകട സാധ്യതയും ഏറെയായിരുന്നു. ഇന്നലെ മാത്രം അമ്പതിനായിരത്തോളം പേരാണ് വെര്‍ച്ചല്‍ ക്യൂവില്‍ എത്തിയത്.
പ്രതികരിക്കാൻ ഇവിടെ എഴുതുക: