കാഞ്ഞങ്ങാട്: അനധികൃതമായി സൂക്ഷിച്ച റേഷന്‍ പഞ്ചസാര കടത്താനുള്ള ഉദ്യോഗസ്ഥരുടെ ശ്രമം ബിഎംഎസ് പ്രവര്‍ത്തകര്‍ തടഞ്ഞു. കാഞ്ഞങ്ങാട് പുതിയ കോട്ടയില്‍ ഇന്നലെ വൈകുന്നേരമാണ് സംഭവം.
സ്വകാര്യ വ്യക്തിയുടെ കടയില്‍ സൂക്ഷിച്ചിരുന്ന അമ്പത് കിലോയുടെ 39 ചാക്ക് പഞ്ചസാരയാണ് സപ്ലെ ഓഫീസര്‍ നാരായണന്‍ റേഷനിംഗ് ഇന്‍സ്‌പെക്ടര്‍ കമലാക്ഷന്‍ എന്നിവരുടെ സാന്നിധ്യത്തില്‍ കടത്തി കൊണ്ടു പോകാന്‍ ശ്രമം നടന്നത്. റേഷന്‍ കടയിലെ പഞ്ചസാരയാണെന്ന് മനസ്സിലാക്കിയ ബിഎംഎസ് പ്രവര്‍ത്തകര്‍ ഉദ്യോഗസ്ഥരോട് ചോദിച്ചപ്പോള്‍ വ്യക്തമായ മറുപടി പറയാന്‍ തയ്യാറാകാത്തത് സംശയത്തിന് ഇടനല്‍കി. സംഭവമറിഞ്ഞെത്തിയ പോലീസ് ലോഡിനെ കുറിച്ച് അന്വേഷണം നടത്തുമെന്ന ഉറപ്പ് നല്‍കിയതിനെ തുടര്‍ന്നാണ് ബിഎംഎസ് പ്രവര്‍ത്തകര്‍ പഞ്ചസാര അടുത്ത റേഷന്‍ കടയിലേക്ക് മാറ്റാന്‍ അനുവദിച്ചത്.
പ്രതികരിക്കാൻ ഇവിടെ എഴുതുക: