വനവാസികളോടുളള അവഗണന അവസാനിപ്പിക്കണം:ഹിന്ദുഐക്യവേദി

മാനന്തവാടി :വനവാസികളോടുളള സർക്കാരിന്റെ അവഗണന അവസാനിപ്പിക്കണമെന്നും വിവിധ തരത്തിലുളള പീഡനത്തിനിരയാവുന്ന വനവാസിസമൂഹത്തിന് നീതി ഉറപ്പു വരുത്തണമെന്നും ഹിന്ദുഐക്യവേദി സംസ്ഥാന സമിതിയംഗം കെ.പ്രഭാകരൻ ആവശ്യപ്പെട്ടു.തോണിച്ചാൽ വീരപഴശ്ശി വിദ്യാമന്ദിരത്തിൽ നടന്ന ഹിന്ദുഐക്യവേദി മാനന്തവാടി താലൂക്ക് സമിതി സംഘടിപ്പിച്ച ഏകദിന പഠനശിബിരത്തിൽ മുഖ്യപ്രഭാണം നടത്തുകയായിരുന്നു അദ്ദേഹം.ഹൈന്ദവ ആരാധനാലയങ്ങൾക്കും ആധ്യാത്മിക കേന്ദ്രങ്ങൾക്കും നേരെ വർദ്ധിച്ചു വരുന്ന അതിക്രമങ്ങൾ സർക്കാർ കണ്ടില്ലെന്ന് നടിക്കുകയാണ്.ഇത് തുടർന്നാൽ മുഴുവൻ സാമുദായിക സംഘടനകളെയും സംഘടിപ്പിച്ചുകൊണ്ട് ശക്തമായ പ്രക്ഷോഭ ത്തിന് ഹിന്ദുഐക്യവേദി നേതൃത്വം നൽകും.പഴശ്ശി ബാലമന്ദിരം മാനേജർ എൻ.ബാലചന്ദൻ ഭദ്രദീപം കൊളുത്തി ഉദ്ഘാടനം നിർവ്വഹിച്ചു.താലൂക്ക് പ്രസിഡന്റ് കെ.രാധാകൃഷ്ണൻ അധ്യക്ഷത വഹിച്ചു. വിവിധ വിഷയങ്ങളെ ആസ്പദമാക്കി ജില്ലാ ജനറൽ സെക്രട്ടറി സി.കെ.ഉദയൻ,സംഘടനാ സെക്രട്ടറി വി.ബാലൻ എന്നിവർ ക്ലാസെടുത്തു.അനിൽ കുമാർ സ്വാഗതവും ശ്രീധരൻ നരിക്കല്ല് നന്ദിയും പറഞ്ഞു.