തിരുവല്ല: സംസ്ഥാനത്ത് ഇടത് സര്‍ക്കാര്‍ അക്രമരാഷ്‌ട്രീയത്തിന് ഒത്താശ ചെയ്യുന്നുവെന്ന്് ബിജെപിജില്ലാ ജനറല്‍ സെക്രട്ടറി അഡ്വ.എസ്.എന്‍.ഹരികൃഷ്ണന്‍.വിവിധ ഇടങ്ങളില്‍ നടക്കുന്ന അന്വേഷണങ്ങള്‍ അട്ടമറിക്കാനാണ് സര്‍ക്കാര്‍ ശ്രമിക്കുന്നത്.മുഖ്യമന്ത്രി പാര്‍ട്ടി സെക്രട്ടറിയുടെ സമീപനമാണ് സംസ്ഥാനത്ത് നടപ്പാക്കുന്നതെന്നും അദ്ദേഹം പറഞ്ഞു.ബിജെപി തിരുവല്ല നിയോജക മണ്ഡലം കമ്മറ്റി സംഘടിപ്പിച്ച രണ്ട് ദിവസത്തെ പഠനശിബിരത്തിന്റെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സിപിഎം പ്രവര്‍ത്തകര്‍ പ്രതിയായ കേസുകള്‍ പലതും ഇല്ലാതാക്കാനുള്ള വ്യാപക ശ്രമമാണ് നടക്കുന്നത്.കണ്ണൂര്‍ ജില്ലയില്‍ ഉണ്ടായ അക്രമസംഭവങ്ങളുടെ ഉത്തരവാദി പിണറായി വിജയനും ഇടത് പക്ഷവുമാണെന്ന് അദ്ദേഹം പറഞ്ഞു. പിണറായി സര്‍ക്കാരും യുഡിഎഫ് നേതാക്കളും കള്ളപ്പണക്കാരുടെ കുഴലൂത്തുകാരായി മാറിയിരിക്കുകയാണെന്ന് ബിജെപി ജില്ലാ ജനറല്‍ സെക്രട്ടറി അഡ്വ.എസ്.എന്‍.ഹരികൃഷ്ണന്‍ ആരോപിച്ചു.തെറ്റിദ്ധാരണ പരത്താനുള്ള ശ്രമമാണ് ഇപ്പോള്‍ നടക്കുന്നത്,സഹകരണ മേഖലയുടെ പേര് പറഞ്ഞ് ഇരു മുന്നണികളും കേരള ജനതയെ കബളിപ്പിക്കുകയാണെന്നും അദ്ദേഹം കൂട്ടിച്ചേര്‍ത്തു.ബിജെപി നിയോജക മണ്ഡലം പ്രസിഡന്റ്് കുറ്റൂര്‍ പസന്നകുമാര്‍ അദ്ധ്യക്ഷത വഹിച്ചു. സംസ്ഥാന കമ്മറ്റി അംഗം അഡ്വ: ജി.നരേഷ്‌കുമാര്‍, ജില്ലാ വൈസ് പ്രസിഡന്റ് വിജയകുമാര്‍ മണിപ്പുഴ, നിയോജക മണ്ഡലം സെക്രട്ടറി സുരേഷ് ഓടക്കല്‍, പി.ഡി.ദിനേശ് കുമാര്‍. ശ്യാംചാത്തമല,അനീഷ് വര്‍ക്കി ശ്യാം മണിപ്പുഴ, മനു റ്റി,റയ്‌ന യുഗേഷ്, ശ്രീധരന്‍പിള്ള ,നരേന്ദ്രന്‍ ചെമ്പോലില്‍, സന്ധ്യ മോള്‍ എന്നിവര്‍ സംസാരിച്ചു.പരിപാടിയില്‍ നിരവധി പ്രവര്‍ത്തകര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: