തിരുവല്ല:സാമ്പത്തിക നടപടിയെ തെറ്റിദ്ധരിപ്പിക്കാന് കേരളത്തിലെ ഇരുമുന്നണികളും വ്യാപക ശ്രമം നടത്തുന്നുവെന്ന് ബിജെപി സംസ്ഥാന ട്രഷറാര് കെ.ആര്.പ്രതാപചന്ദ്രവര്മ്മ.കള്ളപ്പണത്തെ തടഞ്ഞ് സാമ്പത്തിക ഭദ്രത നേടാന് തുടക്കമിട്ട നടപടികള്ക്ക് രാജ്യം ഒന്നായി മുന്നേറുമ്പോള് വിഷയത്തില് തെറ്റിദ്ധാരണ ഉണ്ടാക്കാനുള്ള ശ്രമങ്ങളാണ് ഇപ്പോള് നടക്കുന്നത്.ഇടതുവലതു മുന്നണികള് രാജ്യപുരോഗതിക്ക് തുരങ്കം വയ്ക്കുന്ന നടപടികള് സ്വീകരിക്കുകയാണെന്നും അദ്ദേഹം വിലയിരുത്തി. നരേന്ദ്രമോദി സര്ക്കാര് രാജ്യപുരോഗതിക്കായി നടപ്പാക്കുന്ന പദ്ധതികള് ജനോപകാരപ്രദമാണ്. പാവപ്പെട്ടവന്റെയും സാധാരണക്കാരന്റെയും ഉന്നമനമാണ് ലക്ഷ്യം. ഇക്കാര്യങ്ങള് ജനങ്ങളിലെത്തിക്കാതിരിക്കുവാനുള്ള രഹസ്യ അജണ്ടകളാണ് ഇടതുവലതു മുന്നണികള്ക്കുള്ളത്. പാവപ്പെട്ടവന്റെ അന്നം മുടക്കികളായി റേഷന് വിതരണം പോലും നടത്താന് കഴിയാതെയും കുടിവെള്ളം വിതരണം ചെയ്യാതെയും നോട്ടിന്റെ പേരില് ജനങ്ങളെ പരിഭ്രാന്തരാക്കുയാണ് ഇവര് ചെയ്യുന്നത്. ഇത് പൊതുജനം തിരിച്ചറിഞ്ഞുവെന്നും അദ്ദേഹം പ്രസ്ഥാവനയില് പറഞ്ഞു. കള്ളപ്പണക്കാര്ക്കെതിരേ ് നടക്കുന്ന നടപടിയെ മുന്നണികള് എന്തിനാണ് ഭയക്കുന്നത്.റേഷന്കാര്ഡ്, കുടിവെള്ളം തുടങ്ങിയവ വിതരണംചെയ്യാന് കഴിയാത്തവരാണു നോട്ട് വിഷയത്തില് ജനങ്ങള്ക്കുവേണ്ടി സംസാരിക്കുന്നത് അപഹാസ്യ പരമാണ്. ഇടതു–വലതു മുന്നണികള് കള്ളപ്പണമുന്നണിയായി മാറിക്കഴിഞ്ഞു. കേന്ദ്രസര്ക്കാര് നടപ്പാക്കുന്ന സാമ്പത്തിക പരിഷ്കരണ ശ്രമങ്ങളെ അട്ടിമറിക്കാനാണു സംസ്ഥാന സര്ക്കാരിന്റെ യും ദുര്ബലമായ പ്രതിപക്ഷത്തിന്റെയും നീക്കം. സഹകരണ മേഖല തകര്ക്കാന് ബിജെപി ശ്രമിക്കുന്നുവെന്ന ആരോപണം അടിസ്ഥാനരഹിതമാണ്. സഹകരണരംഗം കൂടുതല് സുതാര്യവും സുശക്തവുമാകണമെന്നാണു ബിജെപിയുടെ യും കേന്ദ്ര സര്ക്കാരിന്റെയും ആഗ്രഹം. സഹകരണ ബാങ്കുകളിലെ നിക്ഷേപകരുടെ താത്പര്യങ്ങള് സംരക്ഷിക്കപ്പെടണം. നബാര്ഡിന്റെ സഹായം കേരളത്തിലെ സഹകരണ ബാങ്കുകള്ക്കു വേണ്ടെന്ന നിലപാടു സര്ക്കാര് സ്വീകരിക്കുന്നത് എന്തിനാണെന്നു വ്യക്തമാക്കണമെന്നും അദ്ദേഹം പറഞ്ഞു.
ജനങ്ങളെ തെറ്റിദ്ധരിപ്പിക്കാന് മുന്നണികളുടെ വ്യാപക ശ്രമം: കെ.ആര്. പ്രതാപ ചന്ദ്രവര്മ്മ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.