കോട്ടയം: ചമ്പക്കുളം കല്ലൂര്ക്കാട്ട് സെന്റ് മേരീസ് ഫൊറോനാ പള്ളി ബസിലിക്ക പദവി പ്രഖ്യാപം 27ന് നടക്കുമെന്ന് സ്വാഗതസംഘം ഭാരവാഹികള് പത്രസമ്മേളനത്തില് അറിയിച്ചു.
ഉച്ചയ്ക്ക് 2.30ന് ചങ്ങനശേരി അതിരൂപതാ മെത്രാപ്പോലീത്ത മാര് ജോസഫ് പെരുന്തോട്ടം പ്രഖ്യാപനം നടത്തും. മാര് ജോസഫ് പൗവ്വത്തില് മെത്രാപ്പോലീത്ത വചനസന്ദേശം നല്കും. തുടര്ന്ന് നടക്കുന്ന പൊതുസമ്മേളനം നിയമസഭാ സ്പീക്കര് പി. ശ്രീരാമകൃഷ്ണന് ഉദ്ഘാടനം ചെയ്യും. വാരാപ്പുഴ അതിരൂപത മെത്രാപ്പോലീത്ത ഡോ.ഫ്രാന്സ്സീസ് കല്ലറയ്ക്കല് അനുഗ്രഹ പ്രഭാഷണം നടത്തും. മന്ത്രി ജി. സുധാകരന് മുഖ്യാതിഥിയായിരിക്കും. കെ.എം.മാണി എംഎല്എ, കൊടിക്കുന്നില് സുരേഷ് എംപി തുടങ്ങിയവര് ആശംസകള് അര്പ്പിക്കും. ബസിലിക്ക പദവി പ്രഖ്യാപന വിളംബര റാലി ചങ്ങനാശേരി മെത്രാപ്പോലീത്തന് കബറിട പള്ളിയില് 26ന് രാവിലെ 9ന് ആരംഭിക്കും. പത്രസമ്മേളനത്തില് സ്വാഗതസംഘം ഭാരവാഹികളായ ഡോ.ജോസഫ് മുണ്ടകത്തില്, ഫാ.ജോസഫ് വാണിയപ്പുരയ്ക്കല്, ചെറിയാന് ഫ്രാന്സീസ് പതിനാലില്ച്ചിറ എന്നിവര് സംബന്ധിച്ചു.
