തിരുവല്ല: താരരാജാവ് മോഹന്‍ ലാലാലിന്റെ പുലിമുരുകന്‍ തന്നെയാണ് ജില്ല ശാസ്ത്രമേളക്ക് ഒപ്പം നടന്ന് എക്‌സ്‌പോയില്‍ ശ്രദ്ധേയമാകുന്നത്.
പുറമറ്റം വൊക്കേഷ്ണല്‍ ഹയര്‍ സെക്കണ്ടറി സ്‌കൂളിലെ ഗ്രാഫിക് ഡിസൈന്‍ ആന്‍ഡ് പ്രിന്റിങ്ങ് ടെക്‌നോളജി വിഭാഗത്തിലെ കുട്ടികളാണ് ഇത്തവണ പുലിമടകള്‍ കീഴടക്കിയ മുരുകന്റെ പുറംചട്ടയുള്ള നോട്ടുബുക്കുകള്‍ പ്രദര്‍ശനത്തില്‍ എത്തിച്ചത്.പതിനഞ്ച് മുതലാണ് ബുക്കിന്റെ വില.മുന്തിയ ഇനം പ്രിന്റിങ് സാങ്കേതിക വിദ്യയില്‍ മിഴിവാര്‍ന്ന ബുക്കുകള്‍ മേളയില്‍ വില്‍പനക്കുമുണ്ട്്.തങ്ങളുടെ സ്വന്തം മുഖചിത്രം നോട്ട് ബുക്കുകളുടെ കവര്‍പേജുകളില്‍ അച്ചടിച്ച് വര്‍ണ പകിട്ടോടെ ഇവര്‍ പുറത്തിറക്കിയതും ശ്രദ്ധേയമാണ്.കൂടാതെ റൈറ്റിങ് പാഡുകള്‍,പോസ്റ്റ് കവറുകള്‍,വിവിധ തരം ഫയലുകള്‍ എന്നിവയും കുട്ടികളുടെ കരവിരുതില്‍ പറത്തിറങ്ങി.കമ്പോളവിലയേ്ക്കാള്‍ നിരക്ക് കുറച്ച് ലഭിക്കുന്ന ബുക്കുകള്‍ക്ക് നിരവധി ആവശ്യക്കാരും എത്താറുണ്ട്.
കുട്ടികള്‍ക്ക് പിന്‍തുണയുമായി അദ്ധ്യാപകരായ എം.മനു,നോബിള്‍ ജോണ്‍,ശാലിന്‍.എസ് എന്നിവര്‍ ഒപ്പമുണ്ട്.ജില്ലയുടെ വിവിധ ഭാഗങ്ങളില്‍ നിന്ന് ഇവര്‍ക്ക് നിരവധി ആവശ്യക്കാര്‍ എത്താറുണ്ട് മികച്ച വിപണിയുടെ സാധ്യതകള്‍ ഉപയോഗിക്കാനുള്ള തയ്യാറെടുപ്പിലാണ് വിദ്യാര്‍ത്ഥികളും അദ്ധ്യാപകരും.
പ്രതികരിക്കാൻ ഇവിടെ എഴുതുക: