പത്തനംതിട്ട:ശബരിമല സാനിട്ടേഷന്‍ സൊസൈറ്റിയുടെ കീഴില്‍ പ്രവര്‍ത്തിക്കുന്ന വിശുദ്ധിസേനയുടെ ഉദ്ഘാടനം ജില്ലാ കളക്ടര്‍ ആര്‍.ഗിരിജ പമ്പയില്‍ നിര്‍വഹിച്ചു.
ആരോഗ്യം, വനം വകുപ്പ് ഉദ്യോഗസ്ഥരുടെ സഹായത്തോടെ ഇവര്‍ക്ക് വേണ്ട മാര്‍ഗനിര്‍ദേങ്ങള്‍ നല്‍കി. 800 അംഗ സംഘമാണ് ശുചീകരണ പ്രവര്‍ത്തനത്തിനായി എത്തിയിരിക്കുന്നത്. ഇവര്‍ക്കുള്ള യൂണിഫോം, കിടക്ക ഉള്‍പ്പടെയുള്ള സാധനങ്ങള്‍ ജില്ലാ കളക്ടര്‍ വിതരണം ചെയ്തു. വിശുദ്ധിസേനയ്‌ക്കുള്ള വേതനം 325 രൂപയായി ഉയര്‍ത്തിയിട്ടുണ്ടെന്ന് ജില്ലാ കളക്ടര്‍ പറഞ്ഞു. ശബരിമലയിലെത്തുന്ന തീര്‍ഥാടകര്‍ പ്ലാസ്റ്റിക് വസ്തുക്കള്‍ ഉപയോഗിക്കരുതെന്ന സന്ദേശവും വിശുദ്ധിസേന നല്‍കും. ഈ വര്‍ഷം മുതല്‍ 10 വിശുദ്ധിസേനാംഗങ്ങള്‍ ചെങ്ങന്നൂരില്‍ സേവനം ചെയ്യും. ദുരന്ത നിവാരണം ഡെപ്യുട്ടി കളക്ടര്‍ ജി.ബാബു, റവന്യു ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: