കണ്ണൂര്: സമാധാനാന്തരീക്ഷം നിലനില്ക്കുന്ന കതിരൂര് പഞ്ചായത്തില് സംഘര്ഷമുണ്ടാക്കാന് സിപിഎം ബോധപൂര്വ്വമായ ശ്രമം നടത്തുന്നതായി ആര്എസ്എസ് ജില്ലാ കാര്യവാഹ് കെ.പ്രമോദ് പ്രസ്താവനയില് പറഞ്ഞു. സിപിഎമ്മിന്റെ ഇത്തരം നീക്കങ്ങള്ക്ക് പോലീസില്ത്തന്നെ ഒരുവിഭാഗവും കൂട്ടുനില്ക്കുകയാണ്. കഴിഞ്ഞദിവസം കതിരൂര് ഡൈമണ്മുക്കിന് സമീപം റോഡരികില് നില്ക്കുകയായിരുന്ന രണ്ട് ആര്എസ്എസ് പ്രവര്ത്തകരെ അപായപ്പെടുത്താനുള്ള നീക്കം നടന്നിരുന്നു. വാഹനത്തിലെത്തിയ സിപിഎം സംഘമാണ് ഇവരെ തട്ടിക്കൊണ്ടുപോയി അപായപ്പെടുത്താന് ശ്രമിച്ചത്. എന്നാല് ഇരുവരും ബഹളം വെച്ച് ആളെ കൂട്ടിയതിനാല് അക്രമിസംഘം വാഹനത്തില് രക്ഷപ്പെടുകയായിരുന്നു. ഇതുമായി ബന്ധപ്പെട്ട് ആര്എസ്എസ് പ്രവര്ത്തകര് കതിരൂര് പോലീസില് പരാതി നല്കിയിരുന്നു. എന്നാല് അക്രമിസംഘത്തിലുണ്ടായിരുന്ന സിപിഎമ്മുകാര് ആര്എസ്എസ് പ്രവര്ത്തകര് തങ്ങളെ വെട്ടിപ്പരിക്കേല്പ്പിക്കാന് ശ്രമം നടത്തിയെന്നാരോപിച്ച് ആശുപത്രിയില് ചികിത്സ തേടിയത് വാദിയെ പ്രതിയാക്കാനുള്ള ബോധപൂര്വ്വമായ ശ്രമത്തിന്റെ ഭാഗമാണ്. അക്രമിക്കാന് വന്നവര് തന്നെ ആശുപത്രിയില് കിടന്ന നാടകത്തിന് പോലീസിലെ ഒരുവിഭാഗം കൂട്ടുനില്ക്കുകയാണ്. സംഭവത്തിലെ യഥാര്ത്ഥ വസ്തുത പുറത്തുകൊണ്ടുവരണമെന്നാവശ്യപ്പെട്ട് സ്ഥലം ഡിവൈഎസ്പിക്ക് പരാതി നല്കിയിട്ടുണ്ടെന്നും പ്രമോദ് പറഞ്ഞു. സര്വ്വകക്ഷി സമാധാനയോഗത്തില് ജില്ലയില് സമാധാനാന്തരീക്ഷം നിലനിര്ത്തുന്നതിന് ആവശ്യമായ നടപടികളുണ്ടാകുമെന്ന് ഉറപ്പു നല്കിയിട്ടും അത്തരം നീക്കങ്ങളെ കാറ്റില്പ്പറത്തി അണികളെ കയറൂരി വിടുന്ന നിലപാടില് നിന്ന് സിപിഎം നേതൃത്വം പിന്തിരിയണമെന്നും സിപിഎമ്മിന്റെ കുപ്രചാരണങ്ങള്ക്കെതിരെ ജനങ്ങള് കരുതിയിരിക്കണമെന്നും അദ്ദേഹം ആവശ്യപ്പെട്ടു.
കതിരൂര് പഞ്ചായത്തില് സംഘര്ഷത്തിന് സിപിഎം ബോധപൂര്വ്വമായ ശ്രമം നടത്തുന്നു: ആര്എസ്എസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.