ഇടുക്കി: ഇടുക്കി കളക്ട്രേറ്റില് ആവശ്യത്തിന് സുരക്ഷയില്ലെന്ന് ചൂണ്ടിക്കാട്ടി ജില്ലാ പോലീസ് സൂപ്രണ്ട് കളക്ടര്ക്ക് കത്ത് നല്കി. മലപ്പുറം, കൊല്ലം കളക്ട്രേറ്റുകളില് സ്ഫോടനം നടന്ന പശ്ചാത്തലത്തിലാണ് കളക്ട്രേറ്റില് സുരക്ഷ വര്ദ്ധിപ്പിക്കണമെന്നാവശ്യപ്പെട്ട് ജില്ലാ പോലീസ് സൂപ്രണ്ട് കത്ത് നല്കാന് കാരണം. കുയിലിമലയില് കാടിന് നടുക്ക് പ്രവര്ത്തിക്കുന്ന കളക്ട്രേറ്റിന് സംരക്ഷണ ഭിത്തിയില്ല. സംസ്ഥാനത്ത് ഇത്ര സുരക്ഷിതമല്ലാത്ത മറ്റൊരു കളക്ട്രേറ്റുണ്ടാവില്ല. ഏത് സമയത്തും ആര്ക്കും ഇവിടെ എത്താനാകുന്ന സ്ഥിതിയാണ് ഇപ്പോഴുള്ളത്.
രാത്രിയായാല് കളക്ട്രേറ്റ് പരിസരം കൂരിരുട്ടിലാണ്. ഇവിടെ ഹൈമാസ്റ്റ് ലൈറ്റ് സ്ഥാപിക്കണമെന്നാണ് ജില്ലാ പോലീസ് ആവശ്യപ്പെട്ടിരിക്കുന്നത്. ഓഫീസിന് അത്യാവശ്യമായി സംരക്ഷണ വേലി നിര്മ്മിക്കണം. ഓഫീസില് ഇടപാടുകള്ക്കായി എത്തുന്നവരുടെ വിവരങ്ങള് ശേഖരിക്കണം. കളക്ട്രേറ്റില് എത്തുന്നവരെ പരിശോധന നടത്തിയതിന് ശേഷം ഓഫീസുകളിലേക്ക് വിടുക. വാഹനങ്ങളെ നിരീക്ഷിക്കുന്നതിന് സംവിധാനം ഒരുക്കുക. കളക്ട്രേറ്റിന്റെ നാല് ഭാഗത്തും നിരീക്ഷണ കാമറകള് സ്ഥാപിക്കുക. ഇത്തരം കാര്യങ്ങളാണ് ജില്ലാ പോലീസ് മേധാവി എസ്.പിയോട് നിര്ദ്ദേശിച്ചിരിക്കുന്നത്. കളക്ട്രേറ്റിലെ സുരക്ഷാ വീഴ്ച സംബന്ധിച്ച് രഹസ്യാന്വേഷണ വിഭാഗവും റിപ്പോര്ട്ട് നല്കിയിരുന്നു.
