കാഞ്ഞങ്ങാട്: കല്ല്യാല്‍ മുച്ചിലോട്ട് ഉദയാസ്തമന മഹോല്‍സവം 15 ചൊവ്വാഴ്ച ഭക്ത്യാദര ചടങ്ങുകളോടെ ആഘോഷിക്കുന്നു. രാവിലെ 10 മണിക്ക് നട തുറക്കല്‍. വൈകുന്നേരം 6 മണിക്ക് ദീപാരാധന, ഏഴ് മണിക്ക് തണ്ണുടി, 10 മണിക്ക് തെയ്യം അരങ്ങല്‍. രാത്രി 8.30ന് അവാര്‍ഡ്ദാന ചടങ്ങ് ക്ഷേത്രം മുഖ്യ സ്ഥാനികന്‍ കുമാരന്‍ കോമരം ഉദ്ഘാടനം ചെയ്യും. കേന്ദ്ര ഭരണസമിതി പ്രസിഡന്റ് സി.വി.ഗംഗാധരന്‍ അദ്ധ്യക്ഷം വഹിക്കും. വൈസ് പ്രസിഡന്റ് വി.കമ്മാരന്‍, ട്രഷറര്‍ കെ.വി.നാരായണന്‍, മുച്ചിലോട്ട് യുവവേദി പ്രസിഡന്റ് എം.വി.മഹേഷ് എന്നിവര്‍ സംസാരിക്കും. കേന്ദ്ര ഭരണസമിതി സെക്രട്ടറി ബാലന്‍ ഓളിയക്കാല്‍ സ്വാഗതവും ജോ.സെക്രട്ടറി പി.കുഞ്ഞിക്കൃഷ്ണന്‍ നന്ദിയും പറയും. തുടര്‍ന്ന് അന്നദാനവും ഉണ്ടാകും.
പ്രതികരിക്കാൻ ഇവിടെ എഴുതുക: