അടൂര്‍: ബിജെപി അടൂര്‍ നിയോജകമണ്ഡലം പ്രവര്‍ത്തകര്‍ക്കായുള്ള പരിശീലന ശിബിരം മാര്‍ത്തോമ്മാ യൂത്ത് സെന്ററില്‍ ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ ഉദ്ഘാടനം ചെയ്തു.
മുതലാളിത്തമാണ് ഇന്ന് കമ്യൂണിസ്റ്റ് ആശയമെന്ന് കുമ്മനം രാജശേഖരന്‍ പറഞ്ഞു.ആശയത്തിലും ആദര്‍ശത്തിലും അണികളെ നിര്‍ത്താന്‍ കഴിയാതെ ഇന്ന് നേതാക്കള്‍ വിഷമിക്കുന്നു.കമ്യൂണിസം തകര്‍ന്നു. അതൊരു രാജ്യത്തെ ഇല്ലാതാക്കുന്നു. തൊഴിലാളിവര്‍ഗ്ഗത്തിന്റെ ആശയം ഇല്ലാതായിരിക്കുന്നു. എന്നാല്‍ ബിജെപിക്ക് ആശയത്തിലും ആദര്‍ശത്തിലും അണികളെ നിലനിര്‍ത്താന്‍ കഴിയുന്നതായും അദ്ദേഹം പറഞ്ഞു. മണ്ണടി മോഹനന്റെ അദ്ധ്യക്ഷതവഹിച്ചു. ജില്ലാ പ്രസിഡന്റ് അശോകന്‍കുളനട, ജില്ലാ ജനറല്‍ സെക്രട്ടറി ഷാജി ആര്‍.നായര്‍, ജില്ലാ സെക്രട്ടറി എം.ജി.കൃഷ്ണകുമാര്‍, നിയോജകമണ്ഡലം പ്രസിഡന്റ് കൊടുമണ്‍ ഗോപാലകൃഷ്ണന്‍, ജനറല്‍ സെക്രട്ടറി അനില്‍ നെടുംമ്പള്ളി, ശരത്ത്, പി.ആര്‍.ഷാജി എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: