വള്ളിക്കുന്ന്: കേന്ദ്രസര്‍ക്കാരിന്റെ ഭക്ഷ്യസുരക്ഷാ പദ്ധതി അട്ടിമറിച്ച സ്ഥാന സര്‍ക്കാരും കഴിഞ്ഞ സര്‍ക്കാരിനെ നിയന്ത്രിച്ച യുഡിഎഫും ജനങ്ങളോട് മാപ്പ് പറയണമെന്ന് ബിജെപി മേഖലാ സെക്രട്ടറി എം.പ്രേമന്‍ മാസ്റ്റര്‍ പറഞ്ഞു. വള്ളിക്കുന്ന് മണ്ഡലം കമ്മറ്റിയുടെ നേതൃത്വത്തില്‍ പഞ്ചായത്ത് ഓഫീസിലേക്ക് നടത്തിയ മാര്‍ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഭക്ഷ്യസുരക്ഷ നടപ്പാക്കിയ മറ്റ് സംസ്ഥാനങ്ങളില്‍ അനര്‍ഹരെ ഒഴിവാക്കി അര്‍ഹരായവര്‍ക്ക് ആനുകൂല്യം എത്തിക്കാന്‍ സാധിച്ചിട്ടുണ്ട്. കേരളത്തിലും ഇത് എത്രയും വേഗം നടപ്പാക്കണമെന്നും അദ്ദേഹം കൂട്ടിച്ചേര്‍ത്തു.
മനോജ് മണ്ണില്‍ അദ്ധ്യക്ഷത വഹിച്ചു. പി.പി.പ്രേമദാസന്‍,പി.കൃഷ്ണന്‍, പി.ദീപ, ഒ.ലക്ഷ്മി എന്നിവര്‍ സംസാരിച്ചു. നേറ്റീവ് എയുപി സ്കൂള് പരിസരത്ത് നിന്നും ആരംഭിച്ച മാര്‍ച്ചിന് ടി.കെ.വാസു, പി.വിനോദ്, ഇ.സതീശന്‍. വിജില, തറോല്‍ രമണി എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: