പത്തനംതിട്ട : വാടക വീടുകേന്ദ്രീകരിച്ച് കഞ്ചാവു വിറ്റിരുന്ന ഭാര്യയും ഭര്‍ത്താവും അറസ്റ്റില്‍. കൊല്ലം അഞ്ചല്‍ കൊമ്പേറ്റിമലയില്‍ രാജന്‍ (65), ഭാര്യ കാരംവലി പതാലില്‍ രമണി (48) എന്നിവരെയാണ് ഇലന്തൂരിലെ വാടകവീട്ടില്‍ നിന്നും പൊലീസ് അറസ്റ്റുചെയ്തത്. ഇവരില്‍ നിന്നും 75 ഗ്രാം തൂക്കമുള്ള 7 പൊതികളിലായി സൂക്ഷിച്ചിരുന്ന കഞ്ചാവും കണ്ടെടുത്തു. രഹസ്യവിവരം ലഭിച്ചതിനെ തുടര്‍ന്ന് ഇന്നലെ ആറന്‍മുള എസ്. ഐ അജിത് കുമാറിന്റെ നേതൃത്വത്തില്‍ ഇലന്തൂര്‍ എം. ടി. എല്‍. പി. എസ് സ്‌കൂളിന് സമീപം ഇവര്‍ താമസിച്ചിരുന്ന വീട്ടില്‍ പരിശോധന നടത്തുകയായിരുന്നു. സ്‌കൂള്‍ വിദ്യാര്‍ത്ഥികളാണ് ഇവരുടെ ഇടപാടുകാരെന്നാണ് പൊലീസ് പറയുന്നത്. എസ്. ഐമാരായ അജിത് കുമാര്‍, പി. ആര്‍. രാജശേഖരന്‍, എ. എസ്. ഐ വാസു, സിവില്‍ പൊലീസ് ഓഫീസര്‍മാരായ അനീഷ്, വിനീത എന്നിവരാണ് പ്രതികളെ കസ്റ്റഡിയിലെടുത്തത്.
Wednesday, November 27, 2024
കഞ്ചാവ് വില്‍പ്പന: ദമ്പതികള്‍ അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: