പേരാമ്പ്ര: ടൗണിലെ ഏക ജലസ്രോതസായ ക്ഷേത്ര കുളത്തിലേക്ക് കക്കൂസ് മാലിന്യങ്ങളും, പ്ലാസ്റ്റിക്ക് വെയ്സ്’ റ്റുകളും ഒഴുക്കിവിട്ട് മാലിന്യമാക്കുന്നതിനെതിരെ വിശ്വഹിന്ദു പരിഷത്തിന്റെ നേതൃത്വത്തില് നടന്ന സമരം ഫലംകണ്ടു.
പഞ്ചായത്ത് ഭരിക്കുന്ന ഇടതു മുന്നണിയുടെ പിന്തുണയോടെ വര്ഷങ്ങളായി നടക്കുന്ന കുള മലിനീകരണത്തിനാണ് ചര്ച്ചയിലൂടെ പരിഹാരം കണ്ടത്. പലപ്പോഴും ഇതുപോലെ മലിനീകരണമുണ്ടാകുമ്പോള് ഹെല്ത്ത് ഡിപ്പാര്ട്ട്മെന്റ് പരിശോധന നടത്തി റിപ്പോര്ട്ട് അയച്ചാലും പഞ്ചായത്ത് ഭരണസമിതിയുടെ മൗനസമ്മതത്തോടെ തുറന്നു പ്രവര്ത്തിക്കുകയാണ് പതിവ്. ഇത്തവണ എള മാരന് കുളങ്ങര ക്ഷേത്ര ഭക്തജന സമിതിയുടെ നേതൃത്വത്തില് നടന്ന ശക്തമായ പ്രതിഷേധത്തിന്റെ ഫലമായി നടന്ന ചര്ച്ചയുടെ ഫലമായിട്ടാണ് ശാശ്വതമായ പരിഹാരം കണ്ടെത്താനായത്. അമ്പലകുളത്തിനടുത്ത് മരക്കാടി തോട്ടിലേക്ക് പ്രതിസ്ഥാനത്തുള്ള ഹോട്ടലില് നിന്നോ ബേക്കറിയില് നിന്നോ മാലിന്യങ്ങള് ഒഴുക്കിവിടാന് പാടില്ലെന്നും നിലവിലുള്ള മാലിന്യം ഒഴുക്കിവിടുന്ന പൈപ്പുകള് പൂര്ണ്ണമായും എടുത്തുകളയാനുമാണ് തീരുമാനമായത്.
ക്ഷേത്ര കുളപരിസരത്തേക്ക് മാലിന്യങ്ങള് വലിച്ചെറിയുന്നതും നിക്ഷേപിക്കുന്നതുംകര്ശനമായി തടയാന് നിര്ദ്ദേശം നല്കാന് പഞ്ചായത്ത് ഭരണസമിതി തീരുമാനിച്ചതായും പ്രഖ്യാപനം ഉണ്ടായി .പ്രശ്ന പരിഹാര ചര്ച്ചയില്ഗ്രാമ പഞ്ചായത്ത് പ്രസിഡണ്ട് കെ.എം റീന, വൈസ് പ്രസിഡണ്ട് കെ.പി. ഗംഗാധരന് നമ്പ്യാര്, വാര്ഡ് മെമ്പര്മാരായ, ടി.ബിജു കൃഷ്ണന്, ആര്.കെ രജീഷ്, യൂസഫ് കെ ,പേരാമ്പ്ര എസ്.ഐ ജിജേഷ്, ക്ഷേത്രപാരമ്പര്യ ട്രസ്റ്റി ഏ.കെ കരുണാകരന് നായര്, വിശ്വഹിന്ദു പരിഷത്ത് പേരാമ്പ്ര പ്രഖണ്ഡ് കമ്മറ്റി ഭാരവാഹികളായ വിനോദ് മമ്പാട്, മുരളി മാരാത്ത്, ഭക്തജന സമിതി ഭാരവാഹി ഹൃദിന് പേരാമ്പ്ര തുടങ്ങിയവര് പങ്കെടുത്തു ക്ഷേത്ര കുളം മലിനമാക്കുന്നതിനെതിരെ ബി.ജെ.പി പേരാമ്പ്ര പഞ്ചായത്ത് കമ്മറ്റിയുടെ നേതൃത്വത്തില് പഞ്ചായത്ത് കാര്യാലയത്തിലേക്ക് മാര്ച്ചും ധര്ണയും നടത്തിയിരുന്നു.
