വടകര: അഴിയൂരിലെ ദേശീയപാതക്ക് സമീപമുള്ള സ്ഥാപനത്തില് വന്മോഷണം. അഴിയൂര് അണ്ടിക്കമ്പനിക്ക് സമീപം പ്രവര്ത്തിക്കുന്ന യൂറോ കാര് എന്ന സ്ഥാപനത്തിലാണ് മോഷണം നടന്നത്. ഏകദേശം ഒന്നര ലക്ഷം രൂപയുടെ സാധനങ്ങളാണ് ഇവിടെ നിന്നും കവര്ച്ച ചെയ്യപ്പെട്ടു. ഇന്നലെ പുലര്ച്ചെയാണ് മോഷണം നടന്നതെന്ന് കരുതുന്നു. സ്ഥാപനത്തിലെ ജോലിക്കാരന് കട തുറക്കാനെത്തിയപ്പോഴാണ് മോഷണം നടന്ന വിവരം അറിയുന്നത്. കളിപ്പാട്ടങ്ങള്, ബാറ്ററിയില് ഓടുന്ന സൈക്കിള്, ബൈക്ക്, കാര്, ഇലക്ട്രോണിക്സ് സാധനങ്ങള്, ഒരു റിസ്റ്റ് വാച്ച് എന്നിവയാണ് മോഷ്ടാക്കള് കവര്ന്നത്. കൊയിലാണ്ടി സ്വദേശികളായ രണ്ടുപേരും അഴിയൂര് സ്വദേശിയും ചേര്ന്ന് നടത്തുന്ന സ്ഥാപനമാണിത്. പയ്യോളി സി.ഐ വിനോദ്, ചോമ്പാല എസ്ഐ എന്. പ്രജീഷ്, വിരലടയാള വിദഗ്ദര് എന്നിവര് സ്ഥലത്തെത്തി പരിശോധന നടത്തി. സംഭവത്തില് കേസെടുത്ത് അന്വേഷണം ആരംഭിച്ചതായി ചോമ്പാല പോലീസ് അറിയിച്ചു. അഴിയൂര് മേഖലയില് കഴിഞ്ഞ രണ്ട് മാസത്തിനിടയില് പത്തോളം സ്ഥാപനങ്ങളില് കവര്ച്ച നടന്നിട്ടുണ്ട്. ഇക്കാര്യത്തില് പോലീസ് നടപടി ഊര്ജ്ജിതമാക്കണമെന്നും, നൈറ്റ് പെട്രോളിംഗ് ശക്തിപ്പെടുത്തണമെന്നും നാട്ടുകാരും, വ്യാപാരികളും ആവശ്യപ്പെട്ടു.
അഴിയൂരില് ഒന്നര ലക്ഷം രൂപയുടെ കവര്ച്ച
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.