എസ്എഫ്‌ഐക്കാരുടെ ഗുരുദക്ഷിണ; അധ്യാപകരെ തല്ലിച്ചതച്ചു

ഇടുക്കി:  ഔദ്യോഗിക ജോലിയുടെ ഭാഗമായി സ്വകാര്യ ഹോട്ടലില്‍ മുറിയെടുത്ത് താമസിക്കുകയായിരുന്ന അധ്യാപകരെ എസ്എഫ്‌ഐ- ഡിവൈഎഫ്‌ഐ ഗുണ്ടാസംഘം മുറിക്കുള്ളില്‍ അതിക്രമിച്ച് കയറി ക്രൂരമാ

യി ആക്രമിച്ചു.

കട്ടപ്പന ഗവ.കോളേജിലെ മലയാള വിഭാഗം എച്ച്ഒഡിയും കോളേജ് ഹോസ്റ്റല്‍ വാര്‍ഡനുമായ അജയന്‍ പനയറ, മലയാളം വിഭാഗത്തിലെ അസി. പ്രൊഫ. രാജേഷ് എന്നിവര്‍ക്കാണ് മര്‍ദ്ദനമേറ്റത്. മനപൂര്‍വ്വം പ്രകോപനം ഉണ്ടാക്കിയാണ് സിപിഎം ഗുണ്ടകള്‍ അധ്യാപകരെ കൈകാര്യം ചെയ്തത്. റാഗിങ് കേസില്‍ കര്‍ശ്ശന നടപടിയെടുത്ത അധ്യാപകര്‍ക്കെതിരെ പ്രതികാരം വീട്ടുന്നതിന്റെ ഭാഗമായി തന്ത്രപൂര്‍വ്വം ഒരുക്കിയ കെണിയായിരുന്നു മദ്യപിച്ചെന്ന ആക്ഷേപം.

സംഭവത്തെ പറ്റി അജയന്‍ പറയുന്നതിങ്ങനെ: കേളേജില്‍ നവംബര്‍ 1,2,3 തിയതികളില്‍ ഇന്റര്‍നാഷണല്‍ സെമിനാര്‍ നടക്കുന്നുണ്ട്. ഇതിന്റെ ഭാഗമായാണ് ഇവിടെ മുറിയെടുത്തത്. വിദേശികള്‍ ഉള്‍പ്പെടെ നിരവധി പേര്‍ എത്തുന്നുണ്ട്. ഇതിന്റെ ഭാഗമായി പത്രക്കാര്‍ക്കായുള്ള കുറിപ്പ് തയ്യാറാക്കി വരികയായിരുന്നു. ഏകദേശം 4മണിയോട് കൂടി മുന്നറിയിപ്പില്ലാതെ 2 ഡിവൈഎഫ്‌ഐ പ്രവര്‍ത്തകര്‍ കതക്ക് ചവിട്ടി തുറന്നെത്തി തങ്ങളുടെ ഫോട്ടോയെടുക്കാന്‍ ആരംഭിച്ചു. ഇത് ചോദ്യചെയ്തതോടെ കശപിശയായി. ഉടന്‍ തന്നെ കരുതികൂട്ടിയിരുന്ന പോലെ മാധ്യമ പ്രവര്‍ത്തകരും കൂടുതല്‍ സിപിഎം,എസ്എഫ്‌ഐ പ്രവര്‍ത്തകര

ും പാഞ്ഞെത്തി. ബഹളത്തിനിടയ്‌ക്ക് ഇവര്‍ തങ്ങളെ അടിക്കുകയും ചെയ്തു. കോളേജില്‍ ഇത്തരം കാര്യങ്ങള്‍ പറ്റാത്തതിനാലാണ് മുറിയെടുത്തത്. ഇത് കൂടാതെ നിരവധി മുറകളും വരും ദിവസത്തേക്കും ബുക്ക് ചെയ്തിട്ടുണ്ട്.

മുറിയിലിരുന്ന തങ്ങളെ വ്യക്തമായ ഉദ്ദേശത്തോടെ ആക്രമിക്കുകയും അപമാനിക്കാന്‍ ശ്രമിക്കുകയുമായിരുന്നെന്ന് അധ്യാപകര്‍ പറയുന്നു. നിലവില്‍ പുറത്തേക്ക് ഇറങ്ങാനാകാതെ വളയപ്പെട്ടിരിക്കുകയാണെന്നും സിപിഎം ഗുണ്ടകളില്‍ നിന്ന് ഭീഷണിയുണ്ടെന്നും അധ്യാപകര്‍ പറയുന്നു. പോലീസില്‍ അറിയിച്ചില്ലെന്നും അവര്‍ എത്തിയാല്‍ സ്ഥിതി കൂടുതല്‍ വശളാകും എന്ന് ഭയന്നാണ് നടപടിയെന്നും ഇവര്‍ പറയുന്നു.

കോളേജിലെ റാഗിങ് കേസില്‍ കഴിഞ്ഞ ദിവസം ആറ് എസ്എഫ്‌ഐ പ്രവര്‍ത്തകരെ സസ്‌പെന്‍ഡ് ചെയ്തിരുന്നു. ഇതിന്റെ പ്രതികാരം എന്നവണ്ണമാണ് സ്ഥലത്തെ പ്രബല പാര്‍ട്ടിയുടെ യുവജനവിഭാഗം ആക്രമണം നട

ത്തിയത്. പുറത്താക്കിയ എസ്എഫ്‌ഐ വിദ്യാര്‍ത്ഥികള്‍ക്കെതിരെ അജയന്‍ കര്‍ശന നിലപാട് സ്വീകരിച്ചിരുന്നു. കോളേജിലെ ആന്റി റാഗിങ് സ്‌ക്വാഡ് നടത്തിയ അന്വേഷണത്തിലായിരുന്നു നടപടി.

അധ്യാപകര്‍ ഇരുവരും ഇന്നലെ ലീവായിരുന്നെന്നും ജോലിയുടെ ഭാഗമായാണ് മുറിയെടുത്തതെന്നും കോളേജ് പ്രിന്‍സിപ്പലും പറയുന്നു.