ആലപ്പുഴ: പ്രഥമ ദേശീയ ആയുര്വേദ ദിനമായ ഒക്ടോബര് 28ന് വിപുലമായ പരിപാടികളോടെ ധന്വന്തരീജയന്തി ആചരിക്കുവാന് ബിജെപി ഡോക്ടേഴ്സ് സെല് ജില്ലാ ഘടകം തീരുമാനിച്ചു.
എല്ലാ വര്ഷവും ധന്വന്തരീജയന്തി, ദേശീയ അയുര്വ്വേദ ദിനമായി ആചരിക്കുവാന് കേന്ദ്രസര്ക്കാര് ആയുഷ് വകുപ്പ് തീരുമാനിച്ച സാഹചര്യത്തിലാണിത്. സംസ്കൃത വര്ഷം ആശ്വിന മാസത്തിലെ കൃഷ്ണപക്ഷം പതിമൂന്നാം ദിവസമാണ് ധന്വന്തരീജയന്തി. ‘പ്രമേഹ നിയന്ത്രണത്തിനായി ആയുര്വ്വേദം’ എന്ന മുദ്രാവാക്യവുമായാണ് ദേശീയ തലത്തില് ഈ വര്ഷം ആയുര്വേദ ദിനം ആചരിക്കുന്നത്.
ബിജെപി ഡോക്ടേഴ്സ് സെല്ലിന്റെ നേതൃത്വത്തില് ജില്ലയിലെ എല്ലാ നിയോജകമണ്ഡലങ്ങളിലും ദിനാചരണം നടത്തും. ധന്വന്തരീപൂജ, അഷ്ടാംഗ ഹൃദയ പാരായണം, സൗജന്യ ആയുര്വ്വേദ മെഡിക്കല് ക്യാമ്പുകള്, ഓഷധ വിതരണം, ആരോഗ്യ ബോധവത്കരണ പരിപാടികള്, ആയുര്വ്വേദ പ്രഭാഷണങ്ങള് എന്നിവ വിവിധ സ്ഥലങ്ങളില് നടത്തും.
പരിപാടിയുടെ ജില്ലാതല ഉദ്ഘാടനം കായംകുളം ഹോട്ടല് ലേക് പാലസ് ഓഡിറ്റോറിയത്തില് ഉച്ചയ്ക്ക് രണ്ടിന് നടക്കും. ഡോക്ടേഴ്സ് സെല് ജില്ലാ കണ്വീനര് ഡോ. രവികുമാര് കല്യാണിശേരിലിന്റെ അദ്ധ്യക്ഷതയില് കൂടുന്ന യോഗത്തില് ബിജെപി ജില്ലാ പ്രസിഡന്റ് കെ.സോമന് ഉദ്ഘാടനം ചെയ്യും. ഡോക്ടേഴ്സ് സെല് സംസ്ഥാന കണ്വീനര് ഡോ. പി. ബിജു മുഖ്യപ്രഭാഷണം നടത്തും.
ആരോഗ്യ ഭാരതി സംസ്ഥാന വൈസ് പ്രസിഡന്റ് ഡോ. ജെ. രാധാകൃഷ്ണന് പൊതുജനങ്ങള്ക്കായുള്ള ആരോഗ്യ ബോധവത്കരണ ക്ലാസും നയിക്കും.
