ചേര്ത്തല: രോഗപീഡിതരായവരെ ജീവിതത്തിലേക്ക് കൈപിടിച്ചുയര്ത്താന് നാട് ഒന്നിക്കുന്നു. കടക്കരപ്പള്ളി പഞ്ചായത്ത് ആറാം വാര്ഡില് ആശാരിപറമ്പ് നികര്ത്തില് മണിയന്റെ മകള് വിദ്യ(24)യ്ക്ക് കിഡ്നി മാറ്റിവയ്ക്കല് ശസ്ത്രക്രിയക്കും, പ്ലാച്ചേരിവെളി ബിന്സി(34)ന് കരള് സംബന്ധമായ ചികിത്സയ്ക്കും ആശാരിപറമ്പില് ശ്രീശാന്തി (ഏഴ്)ന് തലച്ചോര് സംബന്ധമായ ചികിത്സയ്ക്കുമായാണ് നാട്ടുകാര് സുമനസുകളുടെ സഹായം തേടുന്നത്. കൊല്ലപ്പണിക്കാരനായ മണിയന് കിടപ്പാടം പണയപ്പെടുത്തിയാണ് മകള് വിദ്യയെ ചികിത്സിച്ചത്.
ബാങ്കില് പണയപ്പെടുത്തിയ അഞ്ച് സെന്റ് ഭൂമി ജപ്തി ഭീഷണിയിലാണ്. പതിവായി ഡയാലിസിന് വിധേയമാകേണ്ട വിദ്യയുടെ തുടര്ചികില്സയ്ക്കു പോലും നിവൃത്തിയിലാത്ത സ്ഥിതിയിലാണ് കുടുംബം. തിരുവനന്തപുരം മെഡിക്കല് കോളജ് ആശുപത്രയില് നാളുകളായി ചികിത്സയില് കഴിയുന്ന ബിന്സിയുടെ ഭര്ത്താവ് കൂലിപ്പണിക്കാരനായ തോമസും രോഗിയാണ്. നടുവിനുണ്ടായ തേയ്മാനത്തെ തുടര്ന്ന് തൊഴില് ചെയ്യാനാവാത്ത അവസ്ഥയാണ്. ഇവര്ക്ക് സ്വന്തമായി കിടപ്പാടവുമില്ല.
കൂലിപ്പണിക്കാരനായ ശശിയുടെ മകനാണ് ശ്രീശാന്ത്. തലച്ചോര് സംബന്ധമായാണ് അസുഖം. ഇതുമൂലം പലപ്പോഴും ബാലന് ബോധരഹിതനായി വീഴുന്ന സ്ഥിതിയാണ്. ഏറെ സങ്കീര്ണമായ ശസ്ത്രക്രിയയാണ് ഡോക്ടര്മാര് നിശ്ചയിച്ചിരിക്കുന്നത്. ചികിത്സാച്ചെലവുകള് താങ്ങാന് കുടുംബത്തിന് കഴിയാത്ത അവസ്ഥയാണ്. ഇതേത്തുടര്ന്നാണ് മൂവരുടെയും ചികിത്സയ്ക്ക് തുക സമാഹരിക്കാന് നീക്കം തുടങ്ങിയത്.
ജില്ലാ പഞ്ചായത്തംഗം സന്ധ്യാ ബെന്നി ചെയര്പഴ്സണായും പഞ്ചായത്തംഗം സുരേഷ് ബാബു കണ്വീനറുമായി സാന്ത്വന സമിതി രൂപീകരിച്ചു. ഇവര്ക്കായി ഫെഡറല് ബാങ്ക് തങ്കി ശാഖയില് അക്കൗണ്ടും തുടങ്ങി. അക്കൗണ്ട് നമ്പര് 12260 10029 7502. ഐഎഫ്എസ്സി കോഡ് എഫ്ഡിആര്എല് 0001226.
