പരവൂര്: കോങ്ങാല് മണിയംകുളം പാലം മുതല് കുട്ടൂര്പാലം വരെയുള്ള ഭാഗങ്ങളില് ഇറച്ചിക്കട മാലിന്യങ്ങള് വലിച്ചെറിയുന്നത് ഓട്ടോകളിലെത്തിച്ച്.
കഴിഞ്ഞ ദിവസം പരിസരവാസികള് നിരീക്ഷിച്ചാണ് ഇത് കണ്ടെത്തിയത്. രാത്രി ഇരുട്ടിയതോടെ കെഎല് 02 എയു 6950 ഫാത്തിമ എന്ന ഓട്ടോ സ്ഥലത്ത് വന്നുനില്ക്കുകയും ഇറച്ചിക്കോഴി മാലിന്യങ്ങള് വലിച്ചെറിഞ്ഞ് അതിവേഗത്തില് കടക്കുകയുമായിരുന്നു. ഓട്ടോ പിന്തുടര്ന്നെങ്കിലും പിടികൂടാനായില്ല. തെരുവ് വിളക്കിന്റെ പ്രകാശത്തില് വണ്ടിനമ്പര് കണ്ടെത്തിയ നാട്ടുകാര് വിവരം കൗണ്സിലറോടും പോലീസിനോടും പറഞ്ഞു. പരവൂരിന്റെ വിവിധ ഭാഗങ്ങളില് ഇറച്ചിക്കോഴിയുടെ മാലിന്യം വലിച്ചെറിയുന്നത് പതിവാണ്. ഈ സ്ഥലങ്ങളില് തെരുവ്നായകള് തമ്പടിച്ചിരിക്കുകയാണ്. ഇറച്ചിക്കടകളില് നിന്നും മാലിന്യം ചേക്കിലാക്കി കൊണ്ടുപോകുന്ന ഓട്ടോക്കാര് ഇത് ജനവാസം കുറഞ്ഞ മേഖലയില് നിക്ഷേപിക്കും. ഇതിനായി മാസം നല്ലൊരു തുകയാണ് ഇവര് ഈടാക്കുന്നത്. സത്യസന്ധമായി ജീവിക്കുന്ന ഓട്ടോകാര്ക്കും നാണക്കേടുണ്ടാക്കുന്നതാണ് ഇത്തരക്കാരുടെ പ്രവര്ത്തി.
