വൈക്കം: മഹാദേവക്ഷേത്രത്തിലെ പ്രസിദ്ധമായ അഷ്ടമി ഉത്സവത്തിന് നവംബര് 10ന് കൊടിയേറും. നവംബര് 21-നാണ് വൈക്കത്തഷ്ടമി ദര്ശനം. 22ന് ആറാട്ടോടെ സമാപിക്കും. അഷ്ടമി ഉത്സവത്തിന്റെ മുന്നോടിയായുള്ള സന്ധ്യവേല ചടങ്ങുകള് ഒക്ടോബര് ആറിന് തുടങ്ങും. വൈക്കം, ഉദയനാപുരം ക്ഷേത്രങ്ങളിലെ ഉത്സവങ്ങളുടെ മുഹുര്ത്തച്ചാര്ത്ത് ദേവസ്വം ബോര്ഡ് പുറത്തിറക്കി. നവംബര് 10ന് രാവിലെ 6.45നും 8.45നും മധ്യേയാണ് കൊടിയേറ്റ്. ഒക്ടോബര് ആറിന് രാവിലെ 10.15നും 11.10നും മധ്യേ പുള്ളിസന്ധ്യവേലക്ക് കോപ്പുതൂക്കല് ചടങ്ങ് നടക്കും.
ഏഴ്, ഒമ്പത്, 11, 13 തീയതികളിലാണ് പുള്ളി സന്ധ്യവേലകള്. 15ന് രാവിലെ 7.50നും 8.50നും മദ്ധ്യേ മുഖസന്ധ്യവേലക്ക് കോപ്പുതൂക്കല്ചടങ്ങ് നടക്കും. 16,17,18,19 തീയതികളില് മുഖ സന്ധ്യവേല നടക്കും. വൈക്കത്തഷ്ടമിയുടെ കോപ്പുതൂക്കല് നവംബര് ഒമ്പതിന് രാവിലെ ഒമ്പതിനും 11നും മദ്ധ്യേനടക്കും. അന്നുതന്നെ വൈകിട്ട് കൊടിയേറ്ററിയിപ്പ് നടക്കും. 14, 15,17, 20 തീയതികളില് ആണ് ഉല്സവബലിദര്ശനം.16നു രാത്രി 11നു ആണ് ഋഷഭവാഹനം എഴുന്നള്ളത്ത്. 17നും 18നും ആണ്. കഥകളി. 18ന് ഗജപൂജയും ആനയൂട്ടും നടക്കും. ഡിസംബര് നാലിനാണ് ഉദയനാപുരത്ത് കൊടിയേറ്റ്. 12ന് കാര്ത്തികവിളക്കും നടക്കും.
