അമ്പലപ്പുഴ: കോടതി വിധിക്ക് പുല്ലുവില. വഴിയോരങ്ങളില് അനധികൃത ഇറച്ചി കച്ചവട കേന്ദ്രങ്ങള് പെരുകുന്നു. പരസ്യമായി ഇറച്ചി പ്രദര്ശിപ്പിക്കരുതെന്നും പ്രത്യേക കേന്ദ്രങ്ങളില് മാത്രമേ വില്പന നടത്താവൂയെന്നുമുള്ള ചട്ടങ്ങള് ലംഘിച്ചാണ് ജനവാസ കേന്ദ്രങ്ങളിലും ബസ് സ്റ്റോപ്പുകളിലും അനധികൃത ഇറച്ചി വില്പന കേന്ദ്രങ്ങള് പെരുകുന്നത്.
യാതൊരു മറയുമില്ലാതെ മൃഗങ്ങളെ കൊന്ന് കെട്ടിത്തൂക്കിയിട്ടിരിക്കുന്ന വില്പന കേന്ദ്രങ്ങളുടെ എണ്ണം ദിവസം ചെല്ലുന്തോറും വര്ദ്ധിക്കുന്നു. ആരോഗ്യവകുപ്പ്അധികൃതര് പ്രഹസന റെയ്ഡ് നടത്തുമെങ്കിലും നടപടിയെടുക്കാതെ മടങ്ങുകയാണ് പതിവ്. അമ്പലപ്പുഴ, പുറക്കാട്, പുന്നപ്ര പഞ്ചായത്തുകളില് അടുത്തിടെ നിരവധി അനധികൃത ഇറച്ചി വില്പന കേന്ദ്രങ്ങളാണ് ആരംഭിച്ചിരിക്കുന്നത്.
ഇത്തരം കടകളില് നിന്നുള്ള മാലിന്യങ്ങള് വഴിയില് ഉപേക്ഷിക്കുന്നത് തെരുവുനായശല്യം വര്ദ്ധിക്കാനിടയാക്കുന്നു. മാത്രമല്ല ഇവ അഴുകി ദുര്ഗന്ധം വമിക്കുന്നത് നാട്ടുകാരെ ദുരിതത്തിലാക്കുകയും ചെയ്യുന്നുണ്ട്. അടിയന്തരമായി ഇത്തരം ഇറച്ചി വില്പന കേന്ദ്രങ്ങള് അടച്ചുപൂട്ടാന് അധികൃതര് നടപടി സ്വീകരിക്ണമെന്ന ആവശ്യം ഉയര്ന്നുകഴിഞ്ഞു
