അതിപുരാതന കാലം മുതല്ക്കേ ഭാരതീയര് കാലവും കാലാവസ്ഥയും നാള്, പക്കം, നക്ഷത്രം, സംക്രമം, ഗ്രഹപ്പകര്ച്ച അതിനോടനുബന്ധിച്ചുള്ള എല്ലാ കാര്യങ്ങളും കൃത്യമായി കണക്കുകൂട്ടി വരുംതലമുറയ്ക്കായി നീക്കിവച്ചിരുന്നു. കാലത്തിന്റെ കുത്തൊഴുക്കില് ഈ കണ്ടുപിടിത്തങ്ങളുടെ അടിസ്ഥാന തത്വം മനസ്സിലാക്കാതെ പുതുതലമുറ പുതുകണക്കുകള് ഇതുമായി ബന്ധിപ്പിച്ച് എങ്ങുമെത്താത്ത നിലയില് കൊണ്ടെത്തിച്ചു. അടിസ്ഥാനപരമായ കണക്കുകള് തകരുമ്പോള് ശാസ്ത്രം തകിടംമറിയുന്നു. ഇതുമനസ്സിലാക്കാതെ പുരാണേതിഹാസശാസ്ത്രങ്ങളെ പുച്ഛിക്കുന്ന പുതുതലമുറയ്ക്ക് കൊടുക്കാവുന്ന തിരിച്ചറിവിന്റെ ഒരു പാഠം.
വര്ഷം എന്ന് കണക്കാക്കുന്നത് മുന്നൂറ്റിഅറുപത്തഞ്ചേകാല് ദിവസമായിട്ടാണല്ലോ? ഈ കണക്കുവച്ച് കാല് ദിവസം ഒരുദിവസമാക്കാന് നാലു വര്ഷത്തിലൊരിക്കല് ഒരു ദിവസം കൂടി കൂട്ടി കൃത്യമായി മുന്നോട്ടു പോകുമ്പോള് നാമറിയാതെ ഒരു ചോര്ച്ച കാലത്തിനു സംഭവിക്കുന്നു.
യഥാര്ത്ഥത്തില് ഭൂമി സൂര്യനെ ഒന്ന് വലംവെയ്ക്കാന് എടുക്കുന്ന സമയം മുന്നൂറ്റിഅറുപത്തഞ്ച് ദിവസവും അഞ്ച് മണിക്കൂറും നാല്പ്പത്തിയെട്ട് മിനിറ്റും നാല്പ്പത്തിയാറ് സെക്കന്റുമാണ്.
മുന്നൂറ്റി അറുപത്തഞ്ചേകാല് ആകാന് പതിനൊന്ന് മിനിറ്റ് പതിനാല് സെക്കന്റ് കൂടിവേണം.
ഈ കണക്കിലൂടെ നോക്കുമ്പോള് പതിനൊന്ന് മിനിറ്റ് പതിനാല് സെക്കന്റിന് മുമ്പുതന്നെ ഭൂമി ഭ്രമണം പുര്ത്തീകരിക്കും. ഇപ്രകാരം മുന്നോട്ടു പോകുമ്പോള് ഇപ്പോഴത്തെ അവസ്ഥവച്ച് 122.767 വര്ഷം കഴിയുമ്പോള് ഓരോ ദിവസം പിന്നോട്ടു പോരേണ്ടതാണ്. അതായത് ഒന്നുമുതല് 2016 വരെ എടുത്തു നോക്കിയാല് കൃത്യമായി 16 ദിവസം, കാലം പിന്നിലും നമ്മുടെ ദിനങ്ങള് മുന്നിലും ആണന്നു കാണാം.
പ്രകൃതിയുടെ മാറ്റവും ഇതിനനുസരിച്ച് വ്യക്തമായി കാണുന്നു. ഈവര്ഷത്തെ വിഷു അതിനുത്തമ ദൃഷ്ടാന്തമാണ്. വിഷു നമ്മുടെ കണക്കു പ്രകാരം വന്നതിനു മുമ്പേ തന്നെ കണിക്കൊന്നകള് പൂത്തുകഴിയും. അങ്ങനെ പ്രകൃതിയെ ശ്രദ്ധിച്ചാല് പൂര്ണ്ണമായും മനസ്സിലാക്കാം.ഇപ്പോഴത്തെ കണക്കും യഥാര്ത്ഥ കണക്കുമായി നോക്കുമ്പോള് 161/2016 എന്ന് പറയുന്നത് 1/1/2016 ആണ്. ഇപ്രകാരം മുന്നോട്ടു പോകുമ്പോള് ഉണ്ടാകുന്ന ഭവിഷ്യത്ത് പുരാതനമായ എല്ലാ ശാസ്ത്രത്തേയും മോശമായി ബാധിക്കും.
ജാതക സംബന്ധമായ വിഷയം നോക്കാം. 16/1/2016 ല് കുട്ടി ജനിക്കുന്നു. ഇതിന്റെ ലഗ്നം സ്ഫുടം ചെയ്യുന്നതെങ്ങനെ?. ശരിയായ നിലയില് കുഞ്ഞിന്റെ ജനനത്തീയതി 1/1/2016) ആണ്. അങ്ങനെ ഏതെടുത്താലും അടിമുടി പ്രശ്നങ്ങളായിരിക്കും. അതുകൊണ്ട് പുരാണ ശാസ്ത്ര വിഷയങ്ങള് കൈകാര്യം ചെയ്യുന്നവരെങ്കിലും ഇതുമനസ്സിലാക്കി മുമ്പോട്ടു പോയില്ലങ്കില് നമ്മുടെ പൈതൃക സിദ്ധാന്തങ്ങള് എല്ലാംതന്നെ ചോദ്യം ചെയ്യപ്പെടും.
