കോട്ടയം: ദേശീയോത്സവമായ ഓണത്തെ അവഹേളിക്കുന്ന മുഖ്യമന്ത്രി പിണറായി വിജയന് മലയാളി സമൂഹത്തെ ഒന്നടങ്കം പരസ്യമായി അപമാനിക്കുകയാണെന്ന് മഹിളാ മോര്ച്ച ജില്ലാ ജന. സെക്രട്ടറി സുമാ മുകുന്ദന് കുറ്റപ്പെടുത്തി.
ഓണനാളുകളില് സര്ക്കാര് സ്ഥാപനങ്ങളില് പൂക്കളം ഇടരുതെന്നും ആഘോഷ പരിപാടി സംഘടിപ്പിക്കരുതെന്നു പറഞ്ഞതില് പ്രതിഷേധിച്ച് മഹിളാ മോര്ച്ച കോട്ടയം നിയോജകമണ്ഡലം കമ്മിറ്റിയുടെ നേതൃത്വത്തില് പനച്ചിക്കാട് പഞ്ചായത്താഫീസിന് മുന്വശത്ത് പ്രതിഷേധ അത്തപ്പൂക്കളം ഇടുകയും പ്രദേശത്തെ ജനാധിപത്യ വിശ്വാസികള്ക്ക് പായസവിതരണവും നടത്തി.
ഇത്തരം ദേശീയ ആഘോഷങ്ങളെ ഇല്ലാതാക്കാന് ശ്രമിക്കുന്ന ഭരണകര്ത്താക്കള്ക്കെതിരെ വരും നാളുകളില് മലയാളി സമൂഹം സംഘടിക്കുമെന്നും പ്രതിഷേധ അത്തപ്പൂക്കളമിടീല് ഉദ്ഘാടനം ചെയ്തുകൊണ്ട് സുമാ മുകുന്ദന് അഭിപ്രായപ്പെട്ടു.
മഹിളാ മോര്ച്ച കോട്ടയം നിയോജകമണ്ഡലം പ്രസിഡന്ര് ഇന്ദിരാകുമാരി അദ്ധ്യക്ഷത വഹിച്ച അത്തപ്പൂക്കള യോഗത്തില് ബിജെപി ജില്ലാ വൈസ് പ്രസിഡന്റ് പി.പി.വിനോദിനി, ജില്ലാ സെക്രട്ടറിമാരായ സി.എന്.സുഭാഷ്, റീബാവര്ക്കി, മഹിളാ മോര്ച്ച ജില്ലാ സെക്രട്ടറി രാധാമണി രമേശ്, നേതാക്കളായ ഡോ. ഇ.കെ.വിജയകുമാര്, കെ.എല്.സജീവന്, ഡോ.ലിജി വിജയന്, ജയശ്രീ ടീച്ചര്,. സുദര്ശനകുമാര്, സുരേഷ് ശാന്തി തുടങ്ങിയവര് നേതൃത്വം നല്കി.
