തൊടുപുഴ: എക്സൈസ് ഇന്സ്പെക്ടര് സി. കെ. സുനില്രാജിന്റെ നേതൃത്വത്തിലുളള സംഘം കുമളി ആനവിലാസത്ത് നടത്തിയ പരിശോധനയില് കഞ്ചാവ് ചെടി കണ്ടെത്തി. ആനവിലാസം വെളളിയാംതടം പുളിക്കപറമ്പില് മുരളിയുടെ പുരയിടത്തില് നട്ട് വളര്ത്തിയിരുന്ന നൂറ്റി അറുപത്തി അഞ്ച് സെന്റീമീറ്റര് ഉയരമുളള കഞ്ചാവ് ചെടിയാണ് കണ്ടെത്തിയത്. ഇടുക്കി ഡെപ്യൂട്ടി എക്സൈസ് കമ്മീഷണര് കെ. നെല്സന്റെ നിര്ദ്ദേശത്തെ തുടര്ന്നാണ് പരിശോധന നടത്തിയത്. മുരളിയുടെ വീട് പരിശോധിച്ചതില് വീടിനുളളില് നിന്നും തോക്കില് ഉപയോഗിക്കുന്ന വെടിമരുന്നും അറുപത്തി എട്ട് ഇയ്യബോളുകളും, എണ്പത്തി ഏഴ് സ്റ്റീല് ബോളുകളും, തിര നിറയ്ക്കാനുളള കമ്പിയും, കുഴല് വൃത്തിയാക്കാനുളള കമ്പിയും, മാന്കൊമ്പും കണ്ടെത്തി. കഞ്ചാവ് ചെടിയും പ്രതിയേയും കട്ടപ്പന എക്സൈസ് ഇന്സ്പെക്ടര്ക്കും, മാന്കൊമ്പ് കുമളി ഫോറസ്റ്റ് അധികൃതര്ക്കും മേല് നടപടികള്ക്കായി കൈമാറി. കുമളി പോലീസ് സര്ക്കിര് ഇന്സ്പെക്ടറും, സംഘവും സ്ഥലത്തെത്തി വെടിക്കോപ്പുകള് എക്സൈസില് നിന്നും ഏറ്റ് വാങ്ങി കൂടുതല് അന്വേഷണം ആരംഭിച്ചു.
കഞ്ചാവ് ചെടിയും മാന്കൊമ്പും പിടിച്ചെടുത്തു.
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.