കുമരകം: ഇടതുപക്ഷം ഭരിക്കുന്ന സഹകരണ ബാങ്കുകളെ മാത്രം ഉള്ക്കൊള്ളിച്ച് സിപിഎം പാര്ട്ടി പരിപാടിയാക്കി ക്ഷേമപെന്ഷന് വിതരണം മാറ്റുന്നതിനെതിരെ പ്രതിഷേധ പരിപാടികള് സംഘടിപ്പിക്കാനും സിപിഎമ്മിന്റെ ഇത്തരത്തിലെ കപടത ജനങ്ങളിലെത്തിക്കാനും ബിജെപി കുമരകം പഞ്ചായത്ത് കമ്മിറ്റി തീരമാനിച്ചു. പെന്ഷന് വിതരണം സുഗമമാക്കാനും ഓണത്തിന് മുമ്പ് എല്ലാവര്ക്കും കൊടുത്തുതീര്ക്കുന്നതിനും വേണ്ടി ഓരോ വാര്ഡിലെയും മെമ്പര്മാരെ ഉള്ക്കൊള്ളിച്ച് സമിതിയുണ്ടാക്കാന് പഞ്ചായത്ത് കമ്മിറ്റിയില് തീരുമാനമെടുത്തിരുന്നു. എന്നാല് സിപിഎം പാര്ട്ടി നേതാക്കന്മാരെയും പഞ്ചായത്ത് ബ്ലോക്കംഗങ്ങളേയും ഉള്ക്കൊള്ളിച്ച് പാര്ട്ടി ഫണ്ടില് നിന്നും തുക നല്കുന്നതുപോലെയാണ് പെന്ഷന് വിതരണം നടത്തുന്നത്. ഇത്തരത്തില് വിതരണം ചെയ്താല് പെന്ഷന് വിതരണം യഥാസമയം പൂര്ത്തിയാക്കാന് കഴിയില്ലെന്നും യോഗം കുറ്റപ്പെടുത്തി.
പെന്ഷന് വിതരണത്തിനായി കുമരകത്തുള്ള മറ്റ് ഇതര സഹകരണബാങ്കുകളെക്കൂടി ഉള്പ്പെടുത്തണമെന്നും യോഗം ആവശ്യപ്പെട്ടു. ബിജെപി കുമരകം പഞ്ചായത്ത് കമ്മിറ്റി പ്രസിഡന്റ് പി.കെ.സേതു അദ്ധ്യക്ഷത വഹിച്ച യോഗം ഏറ്റുമാനൂര് നിയോജകമണ്ഡലം സെക്രട്ടറി ജോഷി ചീപ്പുങ്കല് ഉദ്ഘാടനം ചെയ്തു. യോഗത്തില് വി.എന്.ജയകുമാര്, സിജു ജോര്ജ്ജ്, പ്രശാന്ത് പറത്തറ, ആര്യ സനീഷ്, ബിന്ദു കിഷോര്, മോള്വ്യൂ ബൈജു, വിനോദ് കോക്കോത്ത്, സതീഷ് കരിവേലില് എന്നിവര് സംസാരിച്ചു.
