ഹൈന്ദവ നവോത്ഥാന സഭ രൂപീകരണം

മലപ്പുറം: പഞ്ചായത്തുകള്‍തോറും മതപഠനശാലസ്ഥാപനവും ഹൈന്ദവസമാജ നവോത്ഥാനവും ലക്ഷ്യമിട്ട് കൊച്ചി ആസ്ഥാനമായി പ്രവര്‍ത്തമാരംഭിച്ച ഹൈന്ദവ നവോത്ഥാന സഭ പ്രവര്‍ത്തനം വിപുലീകരിക്കുന്നതിന്റെ ഭാഗമായി സെപ്തംബര്‍ നാലിന് മലപ്പുറം ജില്ലാകമ്മറ്റി രൂപികരിക്കുന്നു. ഉച്ചക്ക് രണ്ട് മുതല്‍ മലപ്പുറം പ്രശാന്ത് ഓഡിറ്റോറിയത്തിലാണ് യോഗം. മതപഠനശാലകളുടെ ആവശ്യകതയും ഹൈന്ദവ സമാജം നേരിടുന്ന വെല്ലുവിളികളും എന്ന വിഷയത്തില്‍ ശങ്കരാശ്രമത്തിലെ പരമാനന്ദപുരി സ്വാമികള്‍ മുഖ്യപ്രഭാഷണം നടത്തുന്നു. ഹൈന്ദവ സമാജത്തിന്റെ സമഗ്രഉന്നമനത്തിനായി ഹെല്‍പ്പ് ഡസ്‌ക്, നിയമസഹായ സഭ, ആചാര്യ സഭ, സാംസ്‌ക്കാരിക സഭ, ഫാമിലി കൗണ്‍സിലിംഗ് സഭ, ചാരിറ്റി സഭ, പബ്ലിക്കേഷന്‍സ് എന്നിവയുടെ പ്രവര്‍ത്തനങ്ങള്‍ ജനുവരിയോടെ പ്രവര്‍ത്തന സജ്ജമാക്കുമെന്നും ഹൈന്ദവ സമൂഹംനേരിടുന്ന പ്രതിസന്ധികളെ ജാതിരാഷ്‌ട്രീയ ഭേദമന്യേ നേരിടുന്നതിനും സാമൂഹിക വെല്ലുവിളികള്‍ എറ്റെടുക്കാനും ഹൈന്ദവ നവോത്ഥാന സഭയുണ്ടാവുമെന്നും ജില്ല കോര്‍ഡിനേറ്റര്‍ ബൈജു അറിയിച്ചു. പ്രവേശന രെജിസ്‌ട്രേഷനു വിളിക്കുക 9048775885.