മുണ്ടക്കയം: അഖില കേരള ചേരമര് ഹിന്ദു മഹാ സഭ കാഞ്ഞിരപ്പള്ളി യൂണിയന്റെ നേതൃത്വത്തില് നവോത്ഥാന നായകന് അയ്യന്കാളിയുടെ ജന്മദിനാഘോഷങ്ങള് 28ന് നടത്തുമെന്ന് ഭാരവാഹികളായ സുനില് ടി.രാജ്, കുഞ്ഞുമോന് ജി.വെണ്മാന്തറ, കെ. കെ. പാപ്പന് എന്നിവര് വാര്ത്താ സമ്മേളനത്തില് അറിയിച്ചു.
ഉച്ചകഴിഞ്ഞ് 2.00ന് സഹകരണ ബാങ്ക് ഓഡിറ്റോറിയത്തില് ജില്ലാ പഞ്ചായത്തംഗം കെ.രാജേഷ് ഉദ്ഘാടനം ചെയ്യും. എകെസിഎച്ച്എംഎസ് യൂണിയന് പ്രസിഡന്റ് കുഞ്ഞുമോന് ജി.വെണ്മാന്തറ അധ്യക്ഷത വഹിക്കും. എകെസിഎച്ച്എംഎസ് ജനറല്സെക്രട്ടറി എ.കെ സജീവ് മുഖ്യ പ്രഭാഷണവും സുനില് ടിരാജ് വിഷയാവതരണം നടത്തും. കെ.സി.സുരേഷ്, ആര്.സി.നായര്, ഇ.വി.തങ്കപ്പന്, നൗഷാദ് വെംബ്ലി, സാജി കാട്ടപുറം, പി.ഡി.ദിലീപന്, സിജു കൈതമറ്റം ,കെ.കെ.സരസ്സന് എന്നിവര് സംസാരിക്കും. കൊക്കയാര് ഗ്രാമ പഞ്ചായത്ത് നിയുക്ത പ്രസിഡന്റ് നെച്ചൂര് തങ്കപ്പന്, എ.കെ.സി.എച്ച്.എം.എസ്.യുവജന വിഭാഗം സംസ്ഥാന പ്രസിഡന്റായി തെരഞ്ഞെടുക്കപ്പെട്ട പി.ഡി.ദിലീപന് എന്നിവരെ സമ്മേളനത്തില് ആദരിക്കും.
