കോന്നി : നടുവത്തുംമൂഴി റേഞ്ചിലെ കരിപ്പാംതോട് ഫോറസ്റ്റ് സ്റ്റേഷന്‍ പരിധിയില്‍പ്പെട്ട കല്ലേലി ഹാരിസണ്‍ മലയാളം എസ്റ്റേറ്റിനുള്ളില്‍ നിന്നും വാവ സുരേഷ് രാജവമ്പാലയെ പിടികൂടി. വൈകുന്നേരം ആറരയോടെയായിരുന്നു സംഭവം.എസ്റ്റേറ്റിനുള്ളിലെ ലയത്തിലെ ബാത്ത്‌റൂമിനുള്ളില്‍ ചേരയെ വിഴുങ്ങിയ നിലയിലായിരുന്നു പാമ്പ്. എട്ടടി നീളവും രണ്ടുവയസ് പ്രായവുമുള്ള പാമ്പിനെയാണ് പിടികൂടിയതെന്ന് വനംവകുപ്പ് അറിയിച്ചു.ഡെപ്യൂട്ടി ഫോറസ്റ്റ് ഓഫീസര്‍ ഡി.റ്റി രമേശന്‍,സെക്ഷന്‍ ഫോറസ്റ്റ് ഓഫീസര്‍ ടി.സി സജിമോന്‍,ബീറ്റ് ഓഫീസര്‍ പ്രിന്‍സ്,ഷിനോജ്,അനില്‍കുമാര്‍ തുടങ്ങിയവര്‍ നേതൃത്വം നല്‍കി.പിടികൂടിയ പാമ്പിനെ മണ്ണാറപ്പാറ വനത്തില്‍വിട്ടയച്ചു.
Tuesday, November 26, 2024
കല്ലേലിയില്‍ നിന്നും രാജവെമ്പാലയെ പിടികൂടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: