മല്ലപ്പള്ളി: കുന്നന്താനം പഞ്ചായത്തിലെ മുക്കൂറില് സംഘപരിവാര് പ്രവര്ത്തകരെ ഒരു കൂട്ടം മാര്ക്സിസ്റ്റുകാര് വളഞ്ഞിട്ട് ആക്രമിച്ചു.ശ്രീകൃഷ്ണ ജയന്തിയുടെയും പതാകദിനത്തിന്റെയും ക്രമീകരണങ്ങള് നടത്തിക്കൊണ്ടിരുന്ന സംഘ പ്രവര്ത്തകരെയാണ് കൂട്ടമായി വന്ന് ആക്രമിച്ചത്.താലൂക്ക് കാര്യകാരി സദസ്യന് പ്രവീണ്, മണ്ഡലം കാര്യവാഹ് വനേഷ് എന്നിവര് ക്രൂരമായ മര്ദ്ദനത്തില് ഗുരുതരമായ പരിക്കുകളോടെ തിരുവല്ലയിലെ ആശുപത്രികളില് പ്രവേശിപ്പിച്ചു.കുന്നന്താനത്തും പരിസര പ്രദേശങ്ങളിലും സംഘ പ്രവര്ത്തകര്ക്ക് നേരെയുണ്ടാകുന്ന ആക്രമണത്തിന്റെ ഏറ്റവും ഒടുവിലത്തെ സംഭവമാണിത്. കുന്നന്താനം ഹയര് സെക്കന്ററി സ്കൂളില് പഠിക്കയ്ക്കുന്ന കുട്ടികളുടെ കൈകളില് കെട്ടിയ രാഖിമാര്ക്സിസ്റ്റു പ്രവര്ത്തകരായ വിദ്യാര്ത്ഥികള് പൊട്ടിച്ചു കളഞ്ഞതുമായി ബന്ധപ്പെട്ട ചില പ്രശ്നങ്ങള് നിലനില്ക്കവെയാണ് പ്രവര്ത്തകര്ക്ക് നേരെയുണ്ടായിട്ടുള്ള ഈ ആക്രമണം .സംഘ പ്രവര്ത്തകര്ക്ക് നേരെയും അനുഭാവികള്ക്ക് നേരെയും നിരന്തരമുണ്ടായിക്കൊണ്ടിരിക്കുന്ന ആക്രമണങ്ങള്ക്ക് തടയിടുന്നതിന് ഇടയ്ക്കിടെ നേതാക്കന്മാരുമായി ചര്ച്ചകള് നടത്താറുണ്ടെങ്കിലും ഒളിഞ്ഞും തെളിഞ്ഞും നേതാക്കളുടെ ഒത്താശയോടെ തന്നെയാണ് ആക്രമണങ്ങള് നടത്തുന്നത്.ഭരണം കൂടി കയ്യിലുള്ളപ്പോള് എന്തുമാകാം എന്ന ഭാവമുണ്ട്.പോലീസിനോ മറ്റ് നിയമ സംവിധാനങ്ങള്ക്കോ നിയന്ത്രിയ്ക്കാനാവാത്ത വിധത്തിലുള്ള പ്രവര്ത്തനമാണ് ഈ മേഖലകളില് നടമാടുന്നത്.
സംഘപരിവാര് പ്രവര്ത്തകരെ മാര്ക്സിസ്റ്റുകാര് മര്ദ്ദിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.