ആലപ്പുഴ: കര്ഷകരുടെയടക്കം അഭിപ്രായം സ്വരൂപിച്ച് രൂപീകരിക്കുന്ന പദ്ധതികള് ഉള്പ്പെടുത്തി കുട്ടനാട് പാക്കേജിനെ കേന്ദ്രസഹായത്തോടെ പുതിയ രൂപത്തില് തിരിച്ചുകൊണ്ടുവരാനാണ് ശ്രമിക്കുന്നതെന്ന് മന്ത്രി വി.എസ്. സുനില്കുമാര്. ആലപ്പുഴ ചിത്തരകായല് നെല്കൃഷിയുടെ ലാഭവിഹിത വിതരണോദ്ഘാടനം നിര്വഹിക്കുകയായിരുന്നു അദ്ദേഹം. വര്ഷങ്ങളായി തരിശുകിടന്ന പാടശേഖരം കൃഷിയോഗ്യമാക്കി ആറായിരം രൂപ വീതം കര്ഷകര്ക്ക് ലാഭവിഹിതം നല്കാന് കഴിഞ്ഞത് നേട്ടമാണെന്നും മന്ത്രി പറഞ്ഞു. നെല്ല് സംഭരിച്ചാലുടന് വില നല്കാനുള്ള സംവിധാനം നടപ്പാക്കും. റാണി കായലില് ഉടന് കൃഷിയിറക്കും.
പെയ്ത്തുവെള്ളം ഒഴുകിപ്പോകാത്തതുമൂലം ആര് ബ്ലോക്കില് വെള്ളക്കെട്ടുണ്ടായിട്ടുണ്ട്. കുട്ടനാട് പാക്കേജ് പ്രകാരം അനുവദിച്ച മോട്ടോറുകള് സപ്തംബര് 15നകം സ്ഥാപിക്കാമെന്നാണ് കരാറുകാരന് അറിയിച്ചിട്ടുള്ളത്. കരാറുകാരന് സമയബന്ധിതമായി സ്ഥാപിച്ചില്ലെങ്കില് ബ്ലാക്ലിസ്റ്റില്പ്പെടുത്തുമെന്നും മന്ത്രി പറഞ്ഞു. മോട്ടോര് സ്ഥാപിക്കാത്ത സാഹര്യമുണ്ടായാല് പെട്ടിയും പറയും സ്ഥാപിച്ച് വെള്ളംവറ്റിക്കാനുള്ള നടപടിയെടുക്കാന് ജില്ലാ കളക്ടര്ക്ക് മന്ത്രി നിര്ദേശം നല്കി. തോമസ് ചാണ്ടി എംഎല്എ അദ്ധ്യക്ഷത വഹിച്ചു. 365 ദിവസവും അരിയാഹാരം കഴിക്കുന്ന നാട്ടിലെ നെല്കൃഷി രണ്ടു ലക്ഷം ഹെക്ടറില് താഴെയായി കുറഞ്ഞു. വയല് നികത്തല് മൂലം ഭൂഗര്ഭജല നിരപ്പുവരെ താഴ്ന്നതായും അദ്ദേഹം പറഞ്ഞു.
