കാത്തിരിപ്പിന് വിരാമമിട്ട് മോഹന്‍ലാല്‍ ചിത്രം പുലിമുരുകന്‍ തീയേറ്ററിലേക്ക്. ഒക്ടോബര്‍ ഏഴിനാണ് ചിത്രം പ്രദര്‍ശനത്തിനെത്തുക. പുലിമുരുകന്റെ ഒഫീഷ്യല്‍ ഫേസ്ബുക്ക് പേജിലൂടെ ചിത്രത്തിന്റെ അണിയറ പ്രവര്‍ത്തകരാണ് റിലീസ് തീയതി പ്രഖ്യാപിച്ചത്.
ബ്രഹ്മാണ്ഡ ചിത്രമെന്ന ഖ്യാതിയോടെയാണ് പുലിമുരുകന്‍ എത്തുന്നത്. വൈശാഖിന്റെ സംവിധാനത്തില്‍ ഉദയകൃഷ്ണ ആണ് ചിത്രത്തിന്റെ തിരക്കഥ രചിച്ചിരിക്കുന്നത്. ഷാജി കുമാറാണ് ക്യാമറ കൈകാര്യം ചെയ്തിരിക്കുന്നത്. ഗോപി സുന്ദര്‍ ആണ് സംഗീത സംവിധാനം. 18 ദിവസം കൊണ്ടാണ് പുലിമുരുകന്റെ ക്ലൈമാക്‌സ് പൂര്‍ത്തിയാക്കിയത്.
കമാലിനി മുഖര്‍ജി, നമിത, ജഗപതി ബാബു, സുരാജ് വെഞ്ഞാറമ്മൂട്, ബാല, ലാല്‍,കിഷോര്‍,മകരന്ദ് ദേശ്പാണ്ഡെ, എം.ആര്. ഗോപകുമാര്‍, രമേഷ് പിഷാരടി, രമ്യ നമ്പീശന്‍, കെപിഎസി ലളിത തുടങ്ങിയവരാണ് മറ്റുതാരങ്ങള്‍.
ചിത്രത്തില്‍ മോഹന്‍ലാല്‍ പുലികളുമായി ഏറ്റുമുട്ടുന്ന സംഘടന രംഗങ്ങള്‍ വിയറ്റ്‌നാമിലെ ഹനോയി എന്ന സ്ഥലത്ത് വെച്ചാണ് ചിത്രികരിച്ചിരിക്കുന്നത്. ഒക്ടോബര്‍ ഏഴിന് ഇംഗ്ലീഷ്, മലയാളം, തമിഴ്, തെലുങ്ക്, ഹിന്ദി എന്നിങ്ങനെ വിവിധ ഭാഷകളിലായി 3000 ത്തോളം തിയേറ്ററുകളിലായി പുലിമുരുകന്‍ എത്തും.
പ്രതികരിക്കാൻ ഇവിടെ എഴുതുക: