കോഴിക്കോട്: പങ്കാളിത്ത പെന്ഷന് പദ്ധതി പ്രകാരം വിരമിക്കല് പ്രായം 60 വയസ്സാക്കിയ പശ്ചാത്തലത്തില് എല്.ഡി ക്ലര്ക്ക് പരീക്ഷയ്ക്ക് അപേക്ഷിക്കാനുള്ള പ്രായപരിധി കൂട്ടണമെന്ന് സംസ്ഥാന മനുഷ്യാവകാശ കമ്മീഷന് മുമ്പാകെ ആവശ്യം. കമ്മീഷന് അംഗം പി മോഹനദാസിന്റെ നേതൃത്വത്തില് നടന്ന സിറ്റിംഗില് ഒരു സംഘം ഉദ്യോഗാര്ഥികളാണ് ഈ ആവശ്യം ഉന്നയിച്ചത്. ജനറല് വിഭാഗത്തിന് നിലവിലുള്ള 36 വയസ്സിന് പകരം 39ഉം സംവരണ വിഭാഗങ്ങള്ക്ക് 39ന് പകരം 42ഉം ആക്കണമെന്നാണ് ആവശ്യം. ഇതുമായി ബന്ധപ്പെട്ട് പി.എസ്.സി സെക്രട്ടറിയില് നിന്ന് റിപ്പോര്ട്ട് തേടുമെന്ന് അദ്ദേഹം പറഞ്ഞു.
ഇന്നലെ ഗവ. റസ്റ്റ് ഹൗസില്വച്ച് നടന്ന സിറ്റിംഗില് 60 കേസുകള് പരിഗണിച്ചു. ഇവയില് 20 കേസുകള് വിധിപറയാന് മാറ്റി. നാല് കേസുകളില് നടപടികള് അവസാനിപ്പിച്ചു. പുതിയ രണ്ട് പരാതികള് സിറ്റിംഗില് ലഭിച്ചു.
കോഴിക്കോട് ഡെന്റല് കോളജില് താല്ക്കാലികാടിസ്ഥാനത്തില് എല്.ഡി ക്ലര്ക്കായി ജോലി ചെയ്ത വടകര പുത്തൂര് സ്വദേശി ബിന്ദു നല്കിയ പരാതിയും വിധിപറയാനായി മാറ്റിയവയില് ഉള്പ്പെടും. 120 ദിവസം ജോലി ചെയ്ത ശാരീരിക വെല്ലുവിളികള് നേരിടുന്നവരെ സര്വീസില് സ്ഥിരപ്പെടുത്തണമെന്ന നിയമം പാലിച്ചില്ലെന്നു ചൂണ്ടിക്കാട്ടിയായിരുന്നു ഇവര് പരാതി നല്കിയത്. പ്രസവാവധി സര്വീസ് കാലാവധിയായി പരിഗണിക്കാതെ ജോലിയില് നിന്ന് പിരിച്ചുവിട്ട നടപടിക്കെതിരേ ഇവര് മനുഷ്യാവകാശ കമ്മീഷനെ സമീപിക്കുകയായിരുന്നു. ബാക്കി കേസുകള് ആഗസ്ത് 16ന് നടക്കുന്ന സിറ്റിംഗില് പരിഗണിക്കും.
