മരട്: നെട്ടൂര് അന്താരാഷ്ട്ര പച്ചക്കറി മാര്ക്കറ്റില് ദുരിതക്കയത്തില് തുടരാനാണ്. ഒരു ഭാഗത്ത് മാര്ക്കറ്റിലെ മാലിന്യപ്രശ്നം മറുഭാഗത്ത് തകര്ന്ന റോഡുകള്. ഇവയ്ക്ക് പുറമേയാണ് നിറഞ്ഞ് കവിഞ്ഞ കാനകള്. അഴുക്ക് വെള്ളം ഒഴുകി പോകേണ്ട കാനകള് മഴയെ തുടര്ന്ന് നിറഞ്ഞ് കവിഞ്ഞതിനാല് ദുര്ഗന്ധം മൂലം ദുരിതത്തിലാണ് മാര്ക്കറ്റിലെത്തുന്നവര്. കൂടാതെ പകര്ച്ചവ്യാധികള് പിടിപെടുമോയെന്ന ആശങ്കയും. വെള്ളം ഒഴുകിപ്പോകാന് സാധിക്കാത്തതിനാല് കാനകളില് കൊതുകുകള് മുട്ടയിടുകയും കൊതുക് ശല്ല്യം വര്ദ്ധിച്ചിരിക്കുകയാണ്. ഡെങ്കിപ്പനി തുടങ്ങിയ രോഗങ്ങള് പകര്ത്തുന്ന മാര്ക്കറ്റിലെ അവസ്ഥ പലരെയും ഭയപ്പാടിലാക്കിയിരിക്കുകയാണ്. റോഡ് തകര്ന്നത് പത്രവാര്ത്തയാവുകയും മാര്ക്കറ്റില് തൃപ്പൂണിത്തുറ എംഎല്എ യ്ക്ക് സ്വീകരണവും നല്കുന്നതിന് മുന്പത്തെ ദിവസം ചെളി കൊണ്ടുവന്നിട്ട് റോഡിലെ കുഴികള് മൂടാന് ശ്രമിക്കുകയും ചെയ്തു. എന്നാല് പഴയതിനേക്കാളും ദുരവസ്ഥയിലേക്കാണ് കാര്യങ്ങള് പോയത്. റോഡ് ചെളിഞ്ഞ് നാശമായി ഇരുചക്രവാഹനങ്ങള് ഉള്പ്പെടെ തെന്നി വീഴുന്ന അവസ്ഥയിലേക്കാണ് തരികിട റോഡ് പണി അവസാനിച്ചത്. മരട് മാര്ക്കറ്റിന്റെ ശോചനീയവസ്ഥയ്ക്ക് കാരണം മാര്ക്കറ്റിനെ പൂര്ണ്ണമായും തകര്ക്കാന് ശ്രമിക്കുന്നവരാണെന്ന ആരോപണവും ശക്തമാണ്.
മരട് അന്താരാഷ്ട്ര മാര്ക്കറ്റിലെ കാനകള് നിറഞ്ഞ് കവിഞ്ഞു; വ്യാപാരികളും തൊഴിലാളികളും ആശങ്കയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.