പെരുമ്പാവൂര്: കേരളത്തിലെ സ്ത്രീപീഡന ക്കേസുകള് തെളിയാത്തതിന് കാരണം ഇടത് വലത് രാഷ്ട്രീയക്കാരുടെ ഇടപെടലാണെന്ന് ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന്. ജിഷ വധക്കേസ് സിബിഐയെ ഏല്പ്പിക്കണമെന്നും കേസ് അട്ടിമറിച്ച പോലീസ് രാഷ്ട്രീയ ഗൂഢാലോചന അന്വേഷിക്കണമെന്നും ആവശ്യപ്പെട്ട് ബിജെപി പെരുമ്പാവൂര് നിയോജകമണ്ഡലം കമ്മറ്റി കുറുപ്പംപടി പോലീസ് സ്റ്റേഷനിലേക്ക് നടത്തിയ പ്രതിഷേധ മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അവര്. സമര്ത്ഥരായ പോലീസുദ്യോഗസ്ഥരെ മൂക്ക് കയറിട്ട് നിര്ത്തുന്ന സമീപനമാണ് സര്ക്കാരുകള് സ്വീകരിക്കുന്നത്. ജിഷ വധക്കേസില് സമഗ്രമായ അന്വേഷണത്തിലൂടെ മാത്രമേ കൂട്ടുപ്രതികളെ കണ്ടെത്താന് സാധിക്കൂ. അതിന് സിബിഐ അന്വേഷിക്കണമെന്നും അവര് പറഞ്ഞു.
ജിഷയുടെ വീടിന്റെ പരിസരമായ വട്ടോളിപ്പടിയില് നിന്നും ആരംഭിച്ച പ്രതിഷേധ പ്രകടനം കുറുപ്പംപടി സൊസൈറ്റിയുടെ മുന്നില് പോലീസ് തടഞ്ഞു. ആയിരത്തോളം പ്രവര്ത്തകര് പങ്കെടുത്തു. സംസ്ഥാന ഉപാദ്ധ്യക്ഷന് പി.എം.വേലായുധന് മുഖ്യപ്രഭാഷണം നടത്തി.
ജില്ലാ പ്രസിഡന്റ് എന്.കെ.മോഹന്ദാസ്, മഹിളാ മോര്ച്ച സംസ്ഥാന പ്രസിഡന്റ് രേണു സുരേഷ്, ബിജെപി പെരുമ്പാവൂര് നിയോജകമണ്ഡലം പ്രസിഡന്റ് പി.ആര് സന്ദീപ്, ജന.സെക്രട്ടറി അഡ്വ.സതീഷ്.എം.കുമാര്, ട്രഷറര് എന്.ഹരിദാസ്, യുവമോര്ച്ച ജില്ലാ ജന.സെക്രട്ടറി എന്.എം.അഭിലാഷ്, എസ്സി മോര്ച്ച ജില്ലാ ജന.സെക്രട്ടറിമാരായ കെ.എന്.വിജയന്, കെ.സി.ശിവന്, യുവമോര്ച്ച നിയോജകമണ്ഡലം പ്രസിഡന്റ് കെ.ആര്.അരുണ്, ന്യൂനപക്ഷ മോര്ച്ച നിയോജകമണ്ഡലം പ്രസിഡന്റ് ജോണ് ആത്തൂങ്കല്, മഹിളാ മോര്ച്ച നിയോജകമണ്ഡലം പ്രസിഡന്റ് പ്രജീഷ മഹേഷ്, ബിജെപി രായമംഗലം പഞ്ചായത്ത് പ്രസിഡന്റ് അനില്, ഓമനസുബ്രഹ്മണ്യന്, പി.മനോഹരന് എന്നിവര് സംസാരിച്ചു.
