കൊച്ചി: രണ്ടാം സ്വാതന്ത്ര്യസമരമെന്ന് വിശേഷിപ്പിക്കപ്പെടുന്ന അടിയന്തരാവസ്ഥയുടെ 41-ാം വാര്ഷികത്തോടനുബന്ധിച്ച് ജനാധിപത്യസംരക്ഷണ സമിതി ടൗണ്ഹാളില് സംഘടിപ്പിച്ച ജനാധിപത്യ സംരക്ഷണ സംഗമം പുനര്ജന്മം സിദ്ധിച്ചവരുടെ ഒത്തുചേരലായി മാറി. യുവജനത തിരിച്ചറിയേണ്ട ചോരയില് കുതിര്ന്ന സമരകാലഘട്ടത്തിന്റെ ഭീബത്സമുഖം തുറന്നുകാട്ടുന്നതായിരുന്നു ഒത്തുചേരല്. ജനാധിപത്യ ധ്വംസനത്തിന്റെ ഭാരതചരിത്രത്തിലെ കറുത്ത അധ്യായമായിരുന്നു അടിയന്തരാവസ്ഥക്കെതിരെ സഹനസമരം നടത്തി കൊടിയ മര്ദ്ദനമേറ്റവരും സംഘടിപ്പിക്കാന് നേതൃത്വം നല്കിയവരും ജയില്വാസം അനുഭവിച്ചവരും ഒത്തുചേരലില് പങ്കാളികളായി.
കൊടുംപീഡനത്തിന്റെ ഒരു ഓര്മ്മപുതുക്കല്കൂടിയായി സംഗമവേദി മാറി. വേദിയില് സന്നിഹിതരായിരുന്ന അഡ്വ. കെ. രാംകുമാര്, കെ. രാമന്പിള്ള, എം.ടി. രമേശ്, ഉണ്ണികൃഷ്ണന് ഉണ്ണിത്താന് എന്നിവര് സമരത്തില് പങ്കെടുത്ത ഓരോരുത്തരെയും ആദരിച്ചു.
അടിയന്തരാവസ്ഥക്കെതിരെയുള്ള സമരാഗ്നിയില് ജ്വലിച്ചുനിന്ന അഡ്വ.കെ. രാംകുമാര്, എന്. ശിവദാസ്, രത്നാകരപ്രഭു, ജയകുമാര്, എന്.പി. ശങ്കരന്കുട്ടി, അഡ്വ. ജോണ് ജോസഫ്, കെ.കെ. ഗോപാലന്, പി.ആര്.കെ. മേനോന്, സദാനന്ദന്, ഇ.കെ. മോഹന്കുമാര്, എന്.കെ. മോഹന്ദാസ്, കെ.കെ. പുരുഷോത്തമന്, രാമചന്ദ്രന്, ഹരിഹരദാസ്, കലൂര് ഷാജി, നിത്യാനന്ദകമ്മത്ത്, രവീന്ദ്രമല്ല്യ, ഡോ. എന്.സി. ഇന്ദുചൂഡന്, ഇ.എന്. നന്ദകുമാര്, എം.എ. വിജയന്, ടി. സതീശന്, ആനന്ദ്, പി.കെ. അരവിന്ദാക്ഷന്, സ്വാമിനാഥന്, ധര്മ്മരാജ്, ഹര്ഷന്, സി.എസ്. വേണുഗോപാല്, സുന്ദരന്, വി.ആര്. ഉണ്ണികൃഷ്ണന്, എം. മോഹനന്, വി.എ. വര്ഗീസ്, ബാബു, ടി.എസ്. ബാലകൃഷ്ണന് എന്നിവരെയാണ് പൊന്നാടയണിയിച്ച് ആദരിച്ചത്.
