വടകര: ഭാരതം ലോകത്തിനു നല്കിയ മഹത്തായ സംഭാവനയാണ് യോഗയെന്ന് സി.കെ. നാണു എംഎല്എ അഭിപ്രായപ്പെട്ടു.യോഗമനസ്സിനും ശരീരത്തിനും ഊര്ജ്ജവും ശക്തിയും നല്കുന്ന പ്രക്രിയയാണ്. മനസ്സിന്റെ ഏകാഗ്രതയ്ക്കും യോഗവളരെ ഫലപ്രദമാണ് അദ്ദേഹം പറഞ്ഞു. ലോക യോഗദിനാഘോഷത്തിന്റെ ഭാഗമായി നെഹ്റു യുവ കേന്ദ്രയുടെ ആഭിമുഖ്യത്തില് വടകര ടൗണ്ഹാളില് സംഘടിപ്പിച്ച ജില്ലാതല യൂത്ത്പാര്ലിമെന്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മുന്സിപ്പല് ചെയര്മാന് കെ. ശ്രീധരന് അധ്യക്ഷത വഹിച്ചു. നെഹ്റു യുവകേന്ദ്ര ജില്ലാ യൂത്ത് കോ. ഓര്ഡിനേറ്റര് എന്. അനില്കുമാര്, ശിവാനന്ദ യോഗ സെന്ററ് മുഖ്യ രക്ഷാധികാരി മോഹന്ദാസ്, എന്.സി.സി. ഓഫീസര് രതീഷ് എം.കെ. എന്.എസ്എസ് പ്രോഗ്രാം ഓഫീസര് പി.ടി. അഖിലേഷ് ഹരികൃഷ്ണന് എന്നിവര് സംസാരിച്ചു. ശിവാനന്ദ യോഗ സെന്റര് ഡയറക്ടര് സുരേന്ദ്രനാഥിന്റെ നേതൃത്വത്തില് യോഗ ക്ലാസ് നടന്നു
കോഴിക്കോട്: അന്തര് ദേശീയ യോഗാ ദിനത്തോടനുബന്ധിച്ച് നെഹ്റു യുവ കേന്ദ്ര കോഴിക്കോടിന്റെ ആഭിമുഖ്യത്തില് മാനാഞ്ചിറ സ്പോര്ട്ട്സ് കൗണ്സില് ഹാളില് യോഗസദസ്സ് സംഘടിപ്പിച്ചു. കോഴിക്കോട് ജില്ലാ പഞ്ചായത്ത് പ്രസിഡന്റ് ബാബു പാറശ്ശേരി പരിപാടി ഉദ്ഘാടനം ചെയ്തു. നെഹ്റുയുവകേന്ദ്ര ജില്ലാ യൂത്ത് കോര്ഡിനേറ്റര് എം. അനില് കുമാര് അദ്ധ്യക്ഷത വഹിച്ചു. യോഗാചാര്യന് വിജയരാഘവന്, യോഗാചാര്യന് ഉണ്ണിരാമന് എന്നിവരെ ആദരിച്ചു. തുടര്ന്ന് സാമൂതിരി ഗുരുവായൂരപ്പന് കോളേജിലെ ഹെല്ത്ത് യോഗാ തൊറാപ്പി വിദ്യാര്ത്ഥികള് യോഗ പ്രദര്ശനവും നടത്തി. ഭാരത സര്ക്കാറിന്റെ സോംഗ് ആന്റ് ഡ്രാമ ഡിവിഷന് മനോരഞ്ജന് ആര്ട്സ്, വട്ടോളി ബസാര് യോഗയുടെ പ്രാധാന്യം ഉള്ക്കൊള്ളിച്ചുകൊണ്ടുള്ള ബോധവത്കരണ പരിപാടി അവതരിപ്പിച്ചു. എം.അനില് സ്വാഗതവും, പി. ജയപ്രകാശ് നന്ദിയും പറഞ്ഞു.
കോഴിക്കോട്: അന്തരാഷ്ട്ര യോഗദിനത്തോടനുബന്ധിച്ച് ആയുഷ് വകുപ്പിനു കീഴിലുള്ള സ്ഥാപനങ്ങളില് പരിശീലന പരിപാടികള് സംഘടിപ്പിക്കുന്നതിന് മുന്നോടിയായി കോഴിക്കോട് ജില്ലയിലെ ഹോമിയോപ്പതി വകുപ്പിലെ ഡോക്ടര്മാര്ക്കും മറ്റു ജീവനക്കാര്ക്കുംവേണ്ടി യോഗപരിശീലനപരിപാടി സംഘടിപ്പിച്ചു. ഹോമിയോപ്പതി വകുപ്പ് പദ്ധതിയായ ആയുഷ്മാന്ഭവ യുടെ നേതൃത്വത്തില് പുതിയറ എക്.കെ. സാംസാകരിക നിലയത്തില്വെച്ച് നടന്ന പരിശീലനം ജില്ലാ ഹോമിയോ മെഡിക്കല് ഓഫീസര് ഡോ. കവിതപുരുഷോത്തമന് ഉദ്ഘാടനം ചെയ്തു. ആയുഷ്മാന്ഭവ പ്രൊജക്റ്റ് ഓഫീസര് ഡോ.എം. പ്രേമചന്ദ്രന്, ഡോ.യമുന രമേഷ്, ഡോ. ജുഹൈന എന്നിവരും സാന്ദീപനി അക്കാദമി ഓഫ് യോഗ സ്റ്റഡീസ് ഡയറക്ടര് ബാലകൃഷ്ണന്, സ്വസ്തി ഹോളിസ്റ്റിക് റിസര്ച്ച് സെന്റര് ഡയറക്ടര് ഡോ. കെ.എം. രാജേഷ് പ്രശാന്ത് എന്നിവര് ക്ലാസുകള് എടുത്തു.
