പത്തനംതിട്ട : എം.സി.റോഡില്‍ മുളക്കുഴ ജംഗ്ഷന് സമീപം കെഎസ്ആര്‍ടിസി സൂപ്പര്‍ ഫാസ്റ്റും, ലോറിയും കൂട്ടിയിടിച്ച് 32 പേര്‍ക്ക് പരിക്ക്. അപകടത്തെത്തുടര്‍ന്ന് നിയന്ത്രണംവിട്ട ബസ് പെട്രോള്‍ പമ്പിലേക്ക് ഇടിച്ചുകയറിയെങ്കിലും പെട്രോള്‍ പമ്പില്‍ ഇന്ധനം നിറച്ചുകൊണ്ടിരുന്ന മറ്റൊരു ലോറിയില്‍ ബസ് ഇടിച്ചു നിന്നതിനാല്‍ വന്‍ ദുരന്തം ഒഴിവായി.
നിയന്ത്രണം വിട്ടബസ്സ് സമീപത്തെ പെട്രോള്‍ പമ്പിലേക്ക് ഇടിച്ചു കയറുന്നതു കണ്ട് ഇന്ധനം നിറച്ച് മടങ്ങുകയായിരുന്ന ബൈക്ക് യാത്രക്കാരന്‍ ബൈക്ക് ഉപേക്ഷിച്ച് ഓടിമാറി. ബൈക്കും ബസ്സ് ഇടിച്ചു തെറിപ്പിച്ചിട്ടുണ്ട്. ഇന്നലെ രാവിലെ 7.23 നാണ് അപകടം. നിറയെ യാത്രക്കാരുമായി മൂന്നാറിലേക്ക് പോയ നെയ്യാറ്റിന്‍കര ഡിപ്പോയിലെ സൂപ്പര്‍ഫാസ്റ്റാണ് അപകടത്തില്‍ പെട്ടത്. ബസ് അമിതവേഗതയിലായിരുന്നെന്ന് ദൃക് സാക്ഷികളും പെട്രോള്‍ പമ്പിലെ നിരീക്ഷണ ക്യാമറയിലെ വീഡിയോ പരിശോധിച്ചശേഷം പോലീസും പറഞ്ഞു.
അപകടത്തില്‍ പരിക്കേറ്റവരെ മുളക്കുഴയിലെ സ്വകാര്യ ആശുപത്രിയിലും ചെങ്ങന്നൂര്‍ ഗവ.ആശുപത്രിയിലും പ്രവേശിപ്പിച്ചു. വലതുകണ്ണിന് ഗുരുതരമായി പരിക്കേറ്റ ബസ്സിന്റെ െ്രെഡവര്‍ നെയ്യാറ്റിന്‍കര ഡിപ്പോയിലെ ടി.പി അജി (33)നെ വിദഗ്ധ ചികിത്സക്കായി തിരുവനന്തപുരം കിംസ് ആശുപത്രിയിലേക്ക് മാറ്റി. ഇതേ ഡിപ്പോയിലെ കണ്ടക്ടര്‍ തിരുവനന്തപുരം നെയ്യാറ്റിന്‍കര അതിയന്നൂര്‍ വെണ്‍പകല്‍ കല്ലുവിള ചാനല്‍കരയില്‍ രതീഷ് (28),ലോറി െ്രെഡവര്‍ കൊല്ലം വിളക്കുപാറ അജയന്‍(33), ക്‌ളീനര്‍ ഷിജു(39)യാത്രക്കാരായ കൊട്ടാരക്കര പള്ളിക്കല്‍ രാജമന്ദിരത്തില്‍ ഡോ. ആര്‍.ബിനു(33), കവടിയാര്‍ സ്വദേശിനി ഇ. നിര്‍മ്മല(55),,നെയ്യാറ്റിന്‍കര പഴങ്ങറ നല്ലത്ത് തഴക്കാട്ട് പുത്തന്‍വീട്ടില്‍ ഗിരിജാകുമാരി(54),ആര്യ(34),സുജിത്ത് (35)കൊല്ലം വിളക്കുപാറ അജയവിലാസം അജയന്‍ (34),പന്തളം മുടിയൂര്‍ക്കോണം അനില്‍ ഭവനത്തില്‍ മിനിമധു, പി.എം ജോസ്, കുട്ടനാട് മിത്രക്കരി ചിറക്കരമഠത്തില്‍ പാര്‍വ്വതിദേവീ (26), ആശാസജീവ്, പന്തളം പൂഴിക്കാട് രമാനിവാസില്‍ രേഖ (33),കൊല്ലം അഞ്ചല്‍ ഭാരതിപുരം പ്രവീണ്‍ സദനത്തില്‍ വി.പ്രസാദ് (54), അഞ്ചല്‍ പ്രവീണ്‍സദനത്തില്‍ പ്രീത,ജോബി ന്‍, ഷിബുബേബി, അടൂര്‍ നെടുമണ്‍ ചാരുവിള സജിഭവനത്തില്‍ ജെറിന്‍സജി (23), നെയ്യാറ്റിന്‍കര കല്ലുവിള പെണ്‍പകല്‍ രതീഷ് വര്‍ഗീസ് (28),നല്ലില കഴക്കാട്ട് പ്രസീദ (45), കൊട്ടാരക്കര പള്ളിക്കല്‍ ഉമേഷ് ഭവനം ഉദയലക്ഷ്മി (27), കൊട്ടാരക്കര ഉമേഷ് ഭവനത്തില്‍ വിജയലക്ഷ്മി (47),പള്ളിക്കല്‍ ശ്രീകുമാര്‍ഭവനം ശ്രീദേവി (40), തിരുവനന്തപുരം മണക്കാട് ടി.സി 49/753 ഹരിനാരായണന്‍ (48), കൊല്ലം അഞ്ചല്‍ ഭാരതിപുരം പ്രവീണ്‍ സദനത്തില്‍ മല്ലികാമ്മ (48), കൊല്ലം പോരുവഴി രാജീവ് ഭവനം രാജീവ്, കൊട്ടാരക്കര പള്ളിക്കല്‍ വിനായകത്തില്‍ പ്രമോദ് വി. ശശിധരന്‍ (63), കുഞ്ഞുമോള്‍ ബേബി, സാറാമ്മ മാത്യു, , മിനി ബോസ് എന്നിവര്‍ക്കാണ് പരിക്കേറ്റത്. ഇടിയുടെ ആഘാതത്തില്‍ ബസ്സിന്റെ കമ്പിയിലും സീറ്റിലും ഇടിച്ചും പ്ലാറ്റുഫോമിലെക്ക് തെറിച്ചു വീണുമാണ് യാത്രക്കാരിലേറെപ്പേര്‍ക്കും പരിക്കേറ്റത്. ഓടിക്കൂടിയ നാട്ടുകാര്‍ പരിക്കേറ്റവരെ ആശുപത്രിയിലെത്തിച്ചു. പൊലീസും ഫയര്‍ഫോഴ്‌സും സ്ഥലത്തെത്തിയാണ് വാഹനങ്ങള്‍ നീക്കിയത്.
പ്രതികരിക്കാൻ ഇവിടെ എഴുതുക: