ശ്രീനഗർ: കശ്മീരിലെ വിഘടനവാദി നേതാവ് മിർവൈസ് ഫറൂഖ് നേതൃത്വം നൽകിയ പ്രതിഷേധ പ്രകടനത്തിൽ പാക്കിസ്ഥാൻ അനുകൂല മുദ്രാവാക്യങ്ങൾ മുഴക്കുകയും ഐഎസ് ഭീകര സംഘടനയുടെ പതാക വീശിയെന്നും റിപ്പോർട്ടുകൾ.
ജമ്മുകശ്മീരിൽ ഹിന്ദു പണ്ഡിറ്റുകളുടെ പുനരധിവാസത്തിനും സൈനിക കോളനികൾ സ്ഥാപിക്കുന്നതിനുമെതിരെ നടത്തിയ പ്രതിഷേധ മാർച്ചിലാണ് പാക്കിസ്ഥാനെയും ഐഎസിനെയും അനുകൂലിച്ച് പ്രവർത്തകർ മുദ്രാവാക്യങ്ങളും പതാകയും വീശിയത്. സീ ന്യൂസാണ് ഇക്കാര്യം പുറം ലോകത്തെത്തിച്ചത്. ‘ജീവ് ജീവ് പാക്കിസ്ഥാൻ’ എന്ന് ഉച്ചത്തിൽ ആക്രോശിച്ച് പ്രവർത്തകർ പ്രകടനം നയിക്കുന്നത് ദൃശ്യങ്ങളിൽ വ്യക്തമാകുന്നുണ്ട്.
എന്നാൽ പ്രതിഷേധ പ്രകടനം നയിച്ച ഫറൂഖ് പ്രവർത്തകരോട് രാജ്യവിരുദ്ധ പ്രകടനങ്ങൾ ഒഴിവാക്കണമെന്ന് ആവശ്യപ്പെട്ടുമില്ല. സംഭവം ഏറെ വിവാദമായിരിക്കുകയാണ്.
