കാസര്‍കോട്: ഹിന്ദു ഐക്യവേദി ജില്ലാ ട്രഷററെ എം ഗണേഷ് ഷെട്ടിയെ നൗഷാദിന്റെ നേതൃത്വത്തിലുള്ള ഗുണ്ടാ സംഘം ബൈക്ക് തടഞ്ഞ് നിര്‍ത്തി മര്‍ദ്ദിച്ചു. ഇന്നലെ വൈകുന്നേരം മൂന്ന് മണിയോടെ പെര്‍ള ടൗണില്‍ വെച്ചായിരുന്നു സംഭവം. രാവിലെ ഇത് വഴി സഞ്ചരിക്കുമ്പോള്‍ റോഡ് അരികില്‍ പാര്‍ക്ക് ചെയ്ത നൗഷാദ് കൈമുട്ടി ശബ്ദമുണ്ടാക്കിയും മറ്റും ഗണേഷിനെ വിളിച്ചിരുന്നു. അത് കാര്യമാക്കാതെ കടന്ന് പോയ അദ്ദേഹം വിവരം പോലീസ് സ്റ്റേഷനില്‍ വിളിച്ച് പറയുകയും ചെയ്തു. നൗഷാദ് ഉള്‍പ്പെടെ പ്രദേശത്ത് തമ്പടിക്കുന്ന ഗുണ്ടാ സംഘം യാത്രക്കാരെ അകാരണമായി ചീത്ത വിളിക്കുകയും, തടഞ്ഞ് നിര്‍ത്തി കൈയ്യേറ്റം ചെയ്യുകയും പതിവാണ്.
വൈകുന്നേരം ഇത് സംബന്ധിച്ച് എസ്പിക്ക് ഉള്‍പ്പെടെ പരാതി നല്‍കാനും സാധനങ്ങള്‍ വാങ്ങാനുമായി കാസര്‍കോടേക്ക് വരവേയാണ് അക്രമം ഉണ്ടായത്. ബൈക്ക് തടഞ്ഞ് നിര്‍ത്തി മര്‍ദ്ദിക്കുകയും മൊബൈല്‍ ഫോണും പേഴ്‌സും ഉള്‍പ്പെടെ തട്ടിപ്പറിക്കുകയും ചെയ്തു. പേഴ്‌സിലുണ്ടായിരുന്ന പത്തായിരത്തിലധികം രൂപ ഇവര്‍ തട്ടിയെടുത്തു. ബൈക്കില്‍ നിന്ന് പിടിച്ച് താഴെയിട്ട് മര്‍ദ്ദിക്കുകയും ചവിട്ടുകയും ചെയ്തു. സമീപത്തുണ്ടായിരുന്ന വ്യാപാരികളും മറ്റും ഇത് കണ്ട് ഓടിയടുത്തതോടെയാണ് സംഘം പിന്‍വാങ്ങിയത്. സംഭവമറിഞ്ഞ് ഓടിയെത്തിയ കൂട്ടുകാര്‍ ഗണേഷിനെ അക്രമികളില്‍ നിന്ന് രക്ഷപ്പെടുത്തി കാസര്‍കോട് സ്വകാര്യാശുപത്രിയിലെത്തിക്കുകയായിരുന്നു. രാവിലെ പോലീസില്‍ പരാതിപ്പെട്ടപ്പോള്‍ അവര്‍ നടപടികള്‍ സ്വീകരിക്കാതിരുന്നതിനാലാണ് തന്നെ ഗുണ്ടകല്‍ മര്‍ദ്ദിച്ചതെന്ന് ഗണേഷ് പറഞ്ഞു. സ്ഥിരമായി ഒരു സ്ഥലത്ത് തന്നെ കൂട്ടം കൂടി നില്‍ക്കുകയും യാത്രക്കാരെ ഉപദ്രവിക്കുകയും ബൈക്കുകളില്‍ ശബ്ദമുണ്ടാക്കി നഗരത്തിലൂടെ തലങ്ങും വിലങ്ങും പായുകയും ചെയ്യുന്ന ഇവരെ പോലീസ് കണ്ടില്ലെന്ന് നടിക്കുകയാണ്.
പ്രതികരിക്കാൻ ഇവിടെ എഴുതുക: