കോട്ടയം: വടവാതൂര് ശ്രീകൃഷ്ണസ്വാമി ക്ഷേത്രത്തിന് നേരെ സിപിഎം നടത്തിയ അതിക്രമത്തിനെതിരെ മണര്കാട് പോലീസ് കേസെടുത്തു. അനധികൃതമായി സംഘം ചേര്ന്ന് ഗേറ്റ് തകര്ത്തതിനുമാണ് കേസ്. തിരിച്ചറിഞ്ഞ സിപിഎം പ്രവര്ത്തകരായ മൂന്ന് പേരെ നാളെ കസ്റ്റഡിയിലെടുക്കുമെന്ന് മണര്കാട് എസ്.ഐ.പ്രദീപ് കുമാര് ജന്മഭൂമിയോട് പറഞ്ഞു. സ്വകാര്യ വ്യക്തിയുടെ പുരയിടത്തിലേക്ക് വഴിയുണ്ടാക്കാനാണ് സിപിഎം സംഘം ക്ഷേത്രത്തിന്റെ ഗേറ്റ് പൊളിച്ചത്. അങ്കണവാടിക്കായി നല്കിയ സ്ഥലത്തേക്കുള്ള വഴിയാണെന്ന വാദമുന്നയിച്ചാണ് അതിക്രമം നടത്തിയത്. വഴിയില്ലാത്ത സ്ഥലം അങ്കണവാടിക്കായി ഏറ്റെടുത്ത പഞ്ചായത്തിന്റെ നടപടിയും ഇതോടെ വിവാദമായിട്ടുണ്ട്. ക്ഷേത്രത്തില് അതിക്രമിച്ച് കയറി നാശനഷ്ടം വരുത്തിയയവരെ കൃത്യമായി തിരിച്ചറിഞ്ഞിട്ടും അറസ്റ്റ് താമസിപ്പിക്കുന്നത് പ്രതിഷേധാര്മാണെന്ന് ക്ഷേത്രോപദേശക സമിതി പ്രസിഡന്റ് കെ.പി.ഭുവനേശ്വരന് പറഞ്ഞു. ക്ഷേത്രാധിക്രമത്തിനും പോലീസ് അനാസ്ഥയ്ക്കുമെതിരെ ഹിന്ദുസംഘടനകളുടെ നേതൃത്വത്തില് പ്രക്ഷോഭമാരംഭിക്കുമെന്നും അദ്ദേഹം പറഞ്ഞു.
വടവാതൂര് ക്ഷേത്ര അതിക്രമം: മൂന്ന് പേര്ക്കെതിരെ കേസെടുത്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.