നൈജീരിയ: തെക്കുകിഴക്കന് നൈജീരിയയിലെ ബോസ്ക്കോ നഗരത്തില് ബൊക്കോഹറാം ഭീകരര് നടത്തിയ ആക്രമണത്തില് 32 സൈനികര് കൊല്ലപ്പെട്ടു. 30 നൈജര് സൈനികരും രണ്ട് നൈജീരിയന് സൈനികരുമാണ് കൊല്ലപ്പെട്ടത്.
നൈജര്-നൈജീരിയ അതിര്ത്തിയിലെ സൈനിക ക്യാമ്പാണ് ഭീകരര് ആക്രമിച്ചത്. സൈന്യം തിരിച്ചുനടത്തിയ ആക്രമണത്തില് നിരവധി ഭീകരര് മരിച്ചതായി സൈനിക വക്താവ് അറിയിച്ചു. സ്ഥിതി ശാന്തമെന്നും പ്രതിരോധ മന്ത്രാലയം അറിയിച്ചു.
ആക്രമണത്തില് പതിനഞ്ചോളം സൈനികര്ക്ക് പരിക്കുണ്ട്. ഭീകരവാദികള് ആയുദ്ധങ്ങളുമായി സൈനിക കേന്ദ്രം വളഞ്ഞാക്രമിക്കുകയായിരുന്നു.
2009 മുതല് നൈജീരിയയില് ഭീകരവാദം നടത്തുന്ന ഇസ്ലാമിക സംഘടനയാണ് ബൊക്കോഹറാം. 2015ല് മാത്രം ഇവിടെ നടന്ന ഭീകരാക്രമണങ്ങളില് 28 ഗ്രാമീണര് അടക്കം 74 പേര് കൊല്ലപ്പെട്ടു. നൈജറില് നിന്ന് 50,000 ലധികംപേരാണ് ഭീകരവാദി ഭീഷണി മൂലം പലയിടങ്ങളിലേക്കായി പലായനം ചെയ്തത്.
